2 நாள் பயணமாக வங்கதேசம் சென்றார் மோடி! இரு நாடுகளுக்கும் பஸ் சேவை தொடக்கம்!!
டெல்லி: பிரதமர் நரேந்திர மோடி 2 நாள் அரசு முறை பயணமாக இன்று வங்காளதேசம் சென்றடைந்தார். இந்தியா-வங்கதேசம் இடையே பஸ் போக்குவரத்தை தொடங்கி வைத்தார் அவர்.
பிரதமர் நரேந்திர மோடி, அண்டைநாடான வங்காளதேசத்துக்கு 2 நாள் அரசு முறை சுற்றுப்பயணம் மேற்கொள்கிறார். இதற்காக அவர் இன்று காலை தனி விமானம் மூலம் டெல்லியில் இருந்து டாக்கா புறப்பட்டு சென்றார்.

காலை 10.10 மணிக்கு டாக்கா சென்றடைந்த அவரை அந்த நாட்டின் பிரதமர் ஷேக் ஹசினா, விமான நிலையத்துக்கு சென்று நேரில் வரவேற்றார். மோடிக்கு சிவப்பு கம்பள வரவேற்பும், ராணுவ மரியாதையுடன் கூடிய வரவேற்பும் அளிக்கப்பட்டது.
பிரதமர் மோடியின் வங்காளதேச பயணத்தில் அவரது அழைப்பின்பேரில், மேற்கு வங்க முதல்வர் மம்தா பானர்ஜியும் இணைந்து கொண்டார். இதற்காக நேற்று இரவு அவர் டாக்கா போய் சேர்ந்தார். இன்று மதியம் அவர் மோடியை சந்தித்து ஆலோசனை நடத்தினார்.
1971ம் ஆண்டு நடந்த வங்காளதேச விடுதலைப்போரில் உயிர்நீத்த தியாகிகளின் நினைவுச்சின்னத்தில் பிரதமர் மோடி மரியாதை செலுத்தினார். பிரதமர் ஷேக் ஹசினாவின் தந்தையும், அந்த நாட்டின் ஜனாதிபதியாகவும், பிரதமராகவும் திகழ்ந்த ஷேக் முஜிபுர் ரகுமானின் நினைவிடத்திலும் பிரதமர் மோடி அஞ்சலி செலுத்தினார்.
வங்கதேச பிரதமர் ஷேக் ஹசினா மற்றும் மேற்கு வங்க முதல்வர் மம்தா பானர்ஜி ஆகியோருடன் சேர்ந்து கொல்கத்தா-டாக்கா-அகர்தலா மற்றும் டாக்கா-ஷில்லாங்-கவுகாத்தி வழித்தடம் வழியாக செல்லும் இரண்டு பஸ் சேவைகளை கொடியசைத்து தொடங்கி வைத்தார்.

இந்த பயணத்தின்போது, இந்தியாவுக்கும், வங்காளதேசத்துக்கும் இடையே சிறிய கப்பல் போக்குவரத்து நடத்துவதற்கான ஒப்பந்தம் கையெழுத்தாகும் என தகவல்கள் கூறுகின்றன. பிரதமர் மோடி, வங்கதேசத்தின் ஜனாதிபதி அப்துல் ஹமித் மற்றும் பிற முக்கிய தலைவர்களையும் சந்திப்பார் என அந்த தகவல்கள் மேலும் கூறுகின்றன. சுற்றுப்பயணத்தை முடித்துக் கொண்டு நாளை இரவு மோடி நாடு திரும்புகிறார்.
-
திமுகவை விட 2% வாக்கு அதிகம்.. 3ம் இடத்திற்கு செல்கிறது அதிமுக.. புதிய டேட்டாவுடன் வந்த ஆதவ் அர்ஜுனா -
"தயவு செய்து தண்ணீரை கொடுங்க.." இந்தியாவிடம் கெஞ்சும் பாகிஸ்தான்.. பஞ்சம் மோசமாக தாக்கும் போல! -
முதல் விக்கெட்.. திமுக கூட்டணியில் விலகிய தமிழக வாழ்வுரிமை கட்சி.. அறிவித்தார் வேல்முருகன் -
இதுக்கு மேல கடன் வாங்க முடியாது.. கஜானா காலி.. தத்தளிக்கும் தமிழக வெற்றிக் கழகம்.. அப்போ விஜய்? -
வளைகுடா வளையம்: ஈரானிடம் இந்தியா வைத்த 'செக்'.. தவிப்பில் கச்சா எண்ணெய்! டெல்லி மெகா முடிவு -
டிராகனின் வெள்ளி வேட்டை.. சீனாவைச் சுழற்றியடிக்கும் சில்வர் ஜுரம்.. வெள்ளி இனி குட்டித்தங்கம்.. ஏன்? -
நோட் பண்ணுங்க! கலைஞர் மகளிர் உரிமைத் தொகைக்கு 'செக்' - ரேஷன் கார்டில் இதை கவனிக்கலைன்னா பணம் கட்? -
கழுத்தறுத்த பாஜக..சரண்டராகும் சரத்குமார்! பஞ்சாயத்தை கூட்டிய நாட்டாமை குடும்பத்தார்! பரபர பாலிடிக்ஸ் -
பென்டகன் பிளான் ரெடி.. ஈரானுக்குள் நுழையும் அமெரிக்க வீரர்கள்! கதை மொத்தமா முடியுது! -
Siragadikka Aasai Promo: விஜயாவுக்கு எதிராக ஆதாரத்தை கண்டுபிடித்த முத்து- மீனா.. சிந்தாமணிக்கு ஆப்பு! செம சம்பவம் -
பாஜக நட்சத்திர பேச்சாளர் பட்டியலில் இருந்து தமிழிசை பெயர் நீக்கம்.. பின்னணி இதுதானா? -
தப்புக் கணக்கான ராதிகாவின் முடிவு? மீண்டும் சமத்துவ மக்கள் கட்சியை தொடங்குகிறாரா சரத்குமார்?












Click it and Unblock the Notifications