ராகுல் ஒரு போதும் பிரதமராக முடியாது... அடித்துச் சொல்கிறார் ‘அமேதி’ பாஜக வேட்பாளர் ஸ்மிருதி ராணி

அமேதி: ராகுல் நிச்சயமாக பிரதமராக வர முடியாது என அடித்துச் சொல்கிறார் அமேதி தொகுதியில் அவரது போட்டி வேட்பாளரான பாஜகவைச் சேர்ந்த ஸ்மிருதி ராணி.

அமேதி தொகுதியில் போட்டியிடுகிறார் காங்கிரஸ் துணைத்தலைவர் ராகுல் காந்தி. அவரை எதிர்த்து பாஜக சார்பில் ஸ்மிருதி ராணி களமிறங்குகிறார்.

இந்நிலையில் நேற்று செய்தியாளர்களைச் சந்தித்தார் ஸ்மிருதி ராணி. அப்போது ‘உங்கள் குடும்பத்தினரை தேர்தல் பிரச்சாரத்தில் ஈடுபடுத்துவீர்களா? என்ற கேள்விக்கு பதிலளித்த ஸ்மிருதி, ‘எனது குடும்பத்தினர் இங்கு என்னுடன் வந்துள்ளனர். ஆனால் நான் பிரியங்கா காந்தியை போல் எனது குடும்பத்தினரை மேடையேற்றமாட்டேன்' எனத் தெரிவித்தார்.

அதேபோல், ராகுல் குறித்த கேள்விக்கு, ‘மத மற்றும் சாதி அடிப்படையில் காங்கிரஸ் எப்போதுமே அரசியல் செய்கிறது. வளர்ச்சிக்க்கா எதையும் செய்யவில்லை. ராகுல் காந்தியால் ஒரு போதும் பிரதமராக வர முடியாது. காங்கிரஸ் கட்சிக்கு அவர் மீது நம்பிக்கை இல்லை எனவே தான் அவர்கள் பிரதமர் வேட்பாளரை அறிவிக்கவில்லை எனப் பதிலளித்தார்.

English summary

"Rahul Gandhi can never become prime minister of the country as Congressmen themselves do not have faith in him and that is why they have not declared him prime ministerial candidate," BJP candidate from Amethi, Smriti Irani said.