Click it and Unblock the Notifications
Don't Miss
-
டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!! -
வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ் -
100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்.. -
Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா? -
BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்? -
6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..! -
இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்! -
சென்னை ஏர்போர்ட்டில் பணிபுரிய ஆசையா...!
'நடிகை கங்கனா ரனாவத்தின் கன்னங்களை விட சாலைகள் ரொம்ப சாஃப்ட்' .. சொல்வது காங்கிரஸ் எம்.எல்.ஏ
ராஞ்சி: நடிகை கங்கனா ரனாவத்தின் கன்னங்களை விட சாலைகள் மென்மையாக இருக்கும் என்று ஜார்கண்ட் மாநிலத்தைச் சேர்ந்த எம்எல்ஏ ஒருவர் பேசியுள்ளார். சாலைகளையும், நடிகைகளின் கன்னத்தையும் ஒப்பிட்டு அரசியல் தலைவர்கள் பேசி வருவது அதிகரித்துள்ளது.
ஜார்கண்ட் மாநிலம் ஜம்தாரா தொகுதியில் எம்.எல்.ஏ.வாக இருப்பவர் காங்கிரசை சேர்ந்த டாக்டர் இர்பான் அன்சாரி. இவர் தனது தொகுதியில் செய்யப்பட்ட சாலை பணிகள் குறித்து தான் பேசும் வீடியோ ஓன்றை வெளியிட்டார்.
கங்கனா ரனாவத்தின் கன்னங்களை விட..
அந்த வீடியோவில், ' ஜம்தாரா தொகுதியில் 14 உலகத் தரம் வாய்ந்த சாலைகள் விரைவில் கட்டப்படும் என்றும் நான் உங்களுக்கு உறுதியளிக்கிறேன். தொகுதியில் போடப்படும் சாலைகள் அனைத்தும் தரமாக, உறுதியாக இருக்கும். அதாவது திரைப்பட நடிகை கங்கனா ரனாவத்தின் கன்னங்களை விட ஜம்தாரா சாலைகள் மென்மையாக இருக்கும்' என்று அவர் பேசியதால் சர்ச்சை எழுந்துள்ளது.
இவர் ஏற்கனவே சர்ச்சை நாயகன்தான்
இர்பான் அன்சாரி பேசிய வீடியோ சமூக வலைத்தளத்தில் வைரலாகி வருகிறது. வீடியோவுக்கு கீழே நெட்டின்சன்கள் கிண்டலாக மீம்ஸ்களை தெறிக்க விட்டு வருகின்றனர். எம்எல்ஏ இர்பான் அன்சாரி சர்ச்சைக்குரிய வகையில் பேசுவது இது முதன்முறை அல்ல. இந்த வார தொடக்கத்தில் நிருபர்களுக்கு பேட்டியளித்த அவர், 'மக்கள் நீண்ட நேரம் மாஸ்க்கை அணியக்கூடாது, அது அவர்களின் ஆரோக்கியத்திற்கு தீங்கு விளைவிக்கும்.
வழக்கமாகி விட்டது
நான் ஒரு எம்.பி.பி.எஸ் டாக்டர். நீண்ட நேரம் மாஸ்க்கை உபயோகிப்பது கார்பன் டை ஆக்சைடை உள்ளிழுக்க வழிவகுக்கும் என்பது எனக்கு தெரியும்' என்று அவர் கூறியதால் கடும் சர்ச்சை எழுந்துள்ளது. இதேபோல் சாலைகளையும், நடிகைகளின் கன்னத்தையும் ஒப்பிட்டு அரசியல் தலைவர்கள் பேசுவது இது முதன்முறை அல்ல.
Recommended Video
ஹேமமாலினி, கத்ரீனா கைஃப் கன்னத்துடன் ஒப்பிட்ட தலைவர்கள்
கடந்த மாதம் மகாராஷ்டிர அமைச்சரும் மூத்த சிவசேனா தலைவருமான குலாப்ராவ் பாட்டீல், தனது தொகுதியான ஜல்கான் மாவட்டத்தில் உள்ள சாலைகளை நடிகையும், அரசியல்வாதியுமான ஹேமமாலினியின் கன்னங்களுடன் ஒப்பிட்டு பேசி சர்ச்சையைக் கிளப்பினார். இதற்கு மாநில மகளிர் ஆணையம் கடும் எதிர்ப்பு தெரிவித்ததால் அவர் கடைசியில் மன்னிப்பு கேட்டார். கடந்த நவம்பர் மாதம் ராஜஸ்தானின் புதிதாக நியமிக்கப்பட்ட அமைச்சர் ராஜேந்திர சிங் குதா மாநிலத்தின் சாலைகளை நடிகை கத்ரீனா கைஃப்பின் கன்னங்களுடன் ஒப்பிட்டுப் பேசியது சமூகவலைத்தளத்தில் வைரலானது என்பது குறிப்பிடத்தக்கது.
