செல்ஃபி வித் மப்ளர்மேன்... கேஜ்ரிவாலுடன் செல்ஃபி எடுக்க ரூ.500; விருந்தில் பங்கேற்க ரூ.20,000!

டெல்லி: ஆம் ஆத்மி கட்சி ‘செல்ஃபி வித் மப்ளர்மேன்' என்ற திட்டம் ஒன்றை அறிமுகப் படுத்தியுள்ளது. இதன்படி, அக்கட்சியின் ஒருங்கிணைப்பாளர் அரவிந்த் கெஜ்ரிவாலுடன் செல்ஃபி எடுத்துக் கொள்ள ரூ. 500 கட்டணம் நிர்ணயிக்கப் பட்டுள்ளது.

விரைவில் டெல்லியில் சட்டசபைத் தேர்தல் நடைபெற உள்ளது. எனவே, தேர்தல் செலவுகளுக்கான நிதி திரட்ட ஆம் ஆத்மி கட்சி புதிய திட்டம் ஒன்றை வகுத்துள்ளது. அதன்படி, ஆம் ஆத்மி கட்சி ஒருங்கிணைப்பாளரும், டெல்லி முன்னாள் முதல்வருமான அரவிந்த் கெஜ்ரிவாலுடன் செல்ஃபி எடுத்துக் கொள்ளும் திட்டம் ஒன்றை அக்கட்சி அறிவித்துள்ளது.

இதுதொடர்பாக கர்நாடக மாநில ஆம் ஆத்மி மூத்த தலைவர் பாலகிருஷ்ணன் பெங்களூருவில் கூறுகையில், ‘ஜனவரி 11-ம் தேதி அரவிந்த் கேஜ்ரிவால் பெங்களூரு வருகிறார். அப்போது அவருடன் அமர்ந்து விருந்து சாப்பிட ஏற்பாடு செய்துள்ளோம். இதற்கு ரூ.20 ஆயிரம் கட்டணம் நிர்ணயிக்கப்பட்டுள்ளது.

ஸ்பைடர்மேன், சூப்பர்மேன் போல அரவிந்த் கேஜ்ரிவாலை ஊடகங்கள் 'மப்ளர்மேன்' என அழைக்கின்றன. எனவே கேஜ்ரிவாலுடன் புகைப்படம் எடுத்துக்கொள்ள 'செல்ஃபி வித் மப்ளர்மேன்' என்ற புதிய திட்டத்தை அறிமுகப்படுத்துகிறோம்.

ரூ.500 கட்டணம் செலுத்து பவர்கள் கேஜ்ரிவாலுடன் ஜனவரி 11-ம் தேதி 'செல்ஃபி' எடுத்துக் கொள்ளலாம். 25 பேர் குலுக்கல் முறையில் தேர்ந்தெடுக்கப்பட்டு கேஜ்ரிவாலுடன் டீ பார்ட்டியில் பங்கேற்பார்கள்' என்றார்.

English summary

Karnataka unit of Aam Admi Party on Saturday announced the launch of a new fund raising campaign called “Selfie with Mufflerman” to collect donations for the upcoming Delhi Assembly elections.