வாரணாசி காங். வேட்பாளர் யார்? நீடிக்கும் சஸ்பென்ஸ்

டெல்லி: பாரதிய ஜனதாவின் பிரதமர் வேட்பாளர் நரேந்திர மோடியை எதிர்த்து வாரணாசி தொகுதியில் போட்டியிடும் காங்கிரஸ் வேட்பாளர் யார் என்ற சஸ்பென்ஸ் தொடர்கிறது.

உத்தரப்பிரதேசத்தின் வாரணாசி மற்றும் குஜராத்தின் வதோதரா ஆகிய தொகுதிகளில் நரேந்திர மோடி போட்டியிடுகிறார். வதோதராவில் காங்கிரஸின் மதுசூதன் மிஸ்திரியை வேட்பாளராக அறிவித்துள்ளது காங்கிரஸ்.

ஆனால் வாரணாசியில் இதுவரை வேட்பாளரை காங்கிரஸ் அறிவிக்கவில்லை. அத்தொகுதியில் சமாஜ்வாடி கட்சியுடன் இணைந்து பொதுவேட்பாளர் ஒருவரை நிறுத்தவும் காங்கிரஸ் முயற்சிகளை மேற்கொண்டது.

மேலும் மூத்த காங்கிரஸ் தலைவரான திக்விஜய்சிங், தாம் வாரணாசியில் போட்டியிட தயார் என்றும் கூறி வருகிறார். இருப்பினும் இதுவரை காங்கிரஸ் கட்சி எந்த ஒரு முடிவையும் அறிவிக்கவில்லை.

இன்னும் 2 நாட்களில் வாரணாசி வேட்பாளர் அறிவிக்கப்படுவார் என்று காங்கிரஸ் கட்சி வட்டாரங்கள் தெரிவித்துள்ளன.

English summary

Suspense over who the Congress candidate will be against Narendra Modi continued amid lengthening indications that the party may not field its senior leader Digvijaya Singh against BJP's PM candidate