துருக்கியில் ரஷ்யா விமானம் வீழ்த்தப்பட்ட உடன் 3வது உலகப் போரை "பிரகடனம்" செய்த 'ட்விட்டர்'வாசிகள்!

By Mathi

Published: Wednesday, November 25, 2015, 14:47 [IST]

Subscribe to Oneindia Tamil

டெல்லி: துருக்கியில் ரஷ்யா விமானம் சுட்டு வீழ்த்தப்பட்டதுதான் தாமதம்... ட்விட்டர்வாசிகள் உடனடியாக 3வது உலகப் போரை பிரகடனம் செய்துவிட்டனர். ட்விட்டரில் நேற்று முதல் #WorldWarIII, #WorldWar3 ஆகிய ஹேஸ்டாக்குகள் படுபயங்கரமான ட்ரெண்டிங்காக இருக்கின்றன.

சிரியாவில் அதிபர் ஆசாத்துக்கு ஆதரவாக களமிறங்கியுள்ள ரஷ்யா மிகப் பெரும் விலைகளை கொடுத்து வருகிறது. 224 பேருடன் பயணித்த ரஷ்யா விமானம் எகிப்தின் ஷினாய் தீபகற்பம் அருகே வெடிகுண்டுகளால் தகர்க்கப்பட்டது. இதனைத் தொடர்ந்து துருக்கியால் ரஷ்யாவின் போர் விமானம் நேற்று சுட்டு வீழ்த்தப்பட்டுள்ளது.

"World War III started trending in the last hour" .... pic.twitter.com/TLpS3NKRHC
— Rob Harris (@RobHarris) November 24, 2015

3வது உலகப் போர்?

துருக்கியால் ரஷ்யாவின் போர் விமானம் சுட்டு வீழ்த்தப்பட்ட உடனே ஊடகங்களும் சமூக வலைதளங்களும் 3வது உலகப் போர் மூள்கிறதா? என அலசி ஆராய்ந்து வருகின்றன. ரஷ்யா உடனடியாக துருக்கிக்கு எதிராக தாக்குதலை நடத்திவிடாது; ஏற்கனவே உக்ரைன் விவகாரத்தில் அது தனிமைப்படுத்தப்பட்டு கிடக்கிறது என்றெல்லாம் காரணங்கள் அடுக்கப்படுகின்றன.

World War III is trending and everyone is just tweeting jokes about it https://t.co/D1xWS6q9mh pic.twitter.com/TICoy4TDmp
— BuzzFeed (@BuzzFeed) November 24, 2015

முதல் உலகப் போரைப் போல

அதே நேரத்தில் முதலாவது உலகப் போரில் பால்கன் நாடுகளில் தற்போதைய சிரியாவைப் போல உலகின் அத்தனை நாடுகளும் முகாமிட்டிருந்தன.. பின்னர்தான் உலகப் போரே வெடித்தது எனவும் சுட்டிக்காட்டி வருகின்றனர்.

Powers up The Twitter. Sees "World War III" trending. Exits left. pic.twitter.com/f97lOswdcj
— Baxter Ippititimus (@StatusAzure) November 24, 2015

ட்விட்டர்வாசிகள் பிரகடனம்

இதற்கு அப்பால் ட்விட்டர்வாசிகளோ மூன்றாவது உலகப் போரை பிரகடனமே செய்துவிட்டனர். ஆம் #WorldWarIII, #WorldWar3 ஆகிய பெயர்களில் ஹேஸ்டாக்குகள் நேற்று முதல் செம டிரெண்டிங்காக போய்க் கொண்டிருக்கிறது.

Me preparing for World War III pic.twitter.com/hmMwyeNByh
— Minoush Abdel-Meguid (@minoushy) November 24, 2015

காரசார பதிவுகள்

#WorldWarIII, #WorldWar3 ஆகிய ஹேஸ்டாக்குகள் தொடர்ச்சியாக பயன்படுத்தப்பட்டாலும் நேற்று முதல் பல்லாயிரக்கணக்கானோர் இந்த ஹேஸ்டாக்கில் கருத்துகளைப் பதிவு செய்து வருகின்றனர். குறிப்பாக நவம்பர் 6-ந் தேதி பாரீஸ் தாக்குதலின் போதும் கூட இதே ஹேஸ்டாக்கில் கருத்துகள் பகிரப்பட்டன.

ஆனால் அதை விட 3வது உலகப் போர் மூண்டுவிட்டதாகவே கருதி கருத்துகளை காரசாரமாக பதிவிட்டு வருகின்றனர்.

ஜோக்குகள்

அதேபோல் #WorldWarIII, #WorldWar3 ஹேஸ்டாக்குகளில் 3வது உலகப் போர் குறித்த ஏகப்பட்ட ஜோக்குகளும் ஏராளமாக பதியப்பட்டு வருகின்றன. குறிப்பாக 3வது உலகப் போர் தற்போது நடைபெறும் போது நான் என்ன செய்து கொண்டிருக்கிறேன்; நான் என்ன செய்யப் போகிறேன் என்பது போன்ற ஜோக்குகள் கொடிகட்டிப் பறக்கின்றன.

போரை அனுபவிச்சுவங்களுக்குத்தான் வலி தெரியுமப்பா...

Published On November 25, 2015