நடிகை ராக்கி சாவந்த் போன்று பிரியங்கா வெறும் பேச்சு தான்: உமா பாரதி தாக்கு

By Siva

Published: Thursday, May 1, 2014, 12:30 [IST]

Subscribe to Oneindia Tamil

லக்னோ: பிரியங்கா காந்தி ராக்கி சாவந்த் போன்று நிறைய பேசுவார். ஆனால் அதில் ஒரு அர்த்தமும் இருக்காது என்று பாஜக தலைவர் உமா பாரதி தெரிவித்துள்ளார்.

இது குறித்து அவர் செய்தியாளர்களிடம் கூறுகையில்,

Uma Bharti compares Priyanka Gandhi with Rakhi Sawant

ராகுல் காந்தி தோற்றுவிட்டார். அதனால் தான் காங்கிரஸ் பிரியங்கா காந்தியை களத்தில் இறக்கியுள்ளது. பிரியங்கா காந்தி நடிகை ராக்கி சாவந்த் போன்று நிறைய பேசுவார். ஆனால் அதில் ஒரு அர்த்தமும் இருக்காது என்றார்.

இது குறித்து அறிந்த நடிகையும், ராஷ்ட்ரிய ஆம் கட்சியின் தலைவருமான ராக்கி சாவந்த் ட்விட்டர் கூறுகையில்,

டியர் உமாபாரதி, உங்கள் அரசியலில் என்னை தயவு செய்து ஈடுபடுத்தாதீர்கள். என்னை பிரியங்கா காந்தி வாத்ராவுடன் ஒப்பிடாதீர்கள். நான் ஒரு சாதாரண பெண் என்று தெரிவித்துள்ளார்.

நாடாளுமன்ற தேர்தலில் வடமேற்கு மும்பையில் போட்டியிட்ட ராக்கி சாவந்த்துக்கு பாலிவுட்டில் மோட்டார் வாய் என்ற பெயர் உள்ளது. அவர் பிறரை பற்றி யோசிக்காமல் படபடவென பேசிவிடுவதால் தான் அவருக்கு அப்படி ஒரு பெயர் என்பது குறிப்பிடத்தக்கது.

Published On May 1, 2014