வாங்க, வந்து என்னை பலாத்காரம் செய்யுங்க: வீடியோ மூலம் இளம்பெண் அழைப்பு
டெல்லி: வாருங்கள், வந்து என்னை பாலியல் பலாத்காரம் செய்யுங்கள் என்று இளம்பெண் ஒருவர் அழைப்பு விடுக்கும் வீடியோ இணையதளத்தில் தீயாக பரவியுள்ளது.
இந்தியாவில் பாலியல் பலாத்கார சம்பவங்கள் நாளுக்கு நாள் அதிகரித்துக் கொண்டே போகிறது. கடந்த 13 ஆண்டுகளில் நம் நாட்டில் தினமும் 57க்கும் மேற்பட்ட பாலியல் பலாத்கார சம்பவங்கள் நடந்துள்ளன என்று முன்னணி ஆங்கில நாளிதழ் ஒன்று தெரிவித்துள்ளது.
இந்நிலையில் மாதுரி தேசாய் என்ற பெண் பேசும் வீடியோ இணையதளத்தில் கடந்த 3 வாரங்களுக்கு முன்பு வெளியிடப்பட்டது. பெண்களை பலாத்காரம் செய்துவிட்டு அதை நியாயப்படுத்தும் இந்திய ஆண்களை மாதுரி கடுமையாக விமர்சித்துள்ள அந்த வீடியோ தீயாக பரவியுள்ளது.
வீடியோவில் மாதுரி கூறுகையில்,
வாருங்கள் வந்து என்னை பாலியல் பலாத்காரம் செய்யுங்கள். பேருந்து நிலையம், கோவில், பஜாரில் பலாத்காரம் செய்யுங்கள். நான் தெருவில் தனியாக செல்கிறேன். அது எப்படி உங்கள் சகோதரி இறுக்கமாக ஆடை அணியலாம். உங்களின் கோபம், விரக்தியை பிற பெண்களிடம் காட்டுகிறீர்கள். வாருங்கள், வந்து என்னை பாலியல் பலாத்காரம் செய்யுங்கள். நான் உங்கள் டாக்சியில் வருகிறேன் என்னை பாலியல் பலாத்காரம் செய்யுங்கள் என்று தெரிவித்துள்ளார்.
பலாத்கார சம்பவங்கள் பற்றி கிண்டல் செய்யக் கூடாது. இது போன்ற வீடியோக்கள் ஆண்களை அச்சமின்றி பலாத்காரம் செய்ய தூண்டும் என்று விமர்சகர்கள் தெரிவித்துள்ளனர்.
2001ம் ஆண்டு முதல் 2013ம் ஆண்டு வரையிலான காலத்தில் 28 மாநிலங்களில் 2 லட்சத்து 64 ஆயிரத்து 130 பலாத்கார சம்பவங்கள் குறித்து புகார் அளிக்கப்பட்டுள்ளன. பல பலாத்கார சம்பவங்கள் புகார் அளிக்கப்படாமல் உள்ளன என்பது குறிப்பிடத்தக்கது.
Click it and Unblock the Notifications
Sign in with Google