வெனிசுலாவில் வெடித்து சிதறிய ராணுவ ஹெலிகாப்டர்.. 7 ராணுவ வீரர்கள் பலி
வெனிசுலாவில் ராணுவ ஹெலிகாப்டர் மலை மீது மோதி விபத்து ஏற்பட்டதில், 7 ராணுவ வீரர்கள் பலியாகி இருக்கிறார்கள்.
கராகஸ்: வெனிசுலாவில் ராணுவ ஹெலிகாப்டர் மலை மீது மோதி விபத்து ஏற்பட்டதில், 7 ராணுவ வீரர்கள் பலியாகி இருக்கிறார்கள்.
வெனிசுலாவில் கடந்த சில நாட்களாக பதற்றமான சூழ்நிலை நிலவி வருகிறது. அங்கு எப்போது வேண்டுமானாலும் ராணுவ புரட்சி நடக்கலாம் என்று எதிர்பார்க்கிறார்கள். ஏற்கனவே இதற்கான முயற்சியில் அந்நாட்டு எதிர்கட்சித் தலைவர் ஜுவான் காய்டோ ஈடுபட்டு வருகிறார்.
இவர் அந்நாட்டு ராணுவத்தின் சிறு பகுதியை தனது கட்டுப்பாட்டில் வைத்து இருக்கிறார். இவர்கள் அங்கு ராணுவ புரட்சிக்கு அழைப்பு விடுத்தனர். ஆனால் இந்த திட்டம் தோல்வியில் முடிந்தது. இந்த நிலையில் அந்நாட்டு அதிபர் நிகோலஸ் மதுரோ அந்நாட்டில் ராணுவ ஒற்றுமைக்கு அழைப்பு விடுத்துள்ளார்.
இதற்காக இன்று முக்கிய ராணுவ விழா ஒன்றை நடத்த அவர் திட்டமிட்டு இருந்தார். ராணுவ வீரர்களை ஒருங்கிணைக்கும் பொருட்டு அவர்கள் முன் பேச மதுரோ திட்டமிட்டு இருந்தார். இதற்காக பல பகுதிகளில் இருந்தும் ராணுவ வீரர்கள் விமானம் மற்றும் ஹெலிகாப்டர் மூலம் தலைநகருக்கு வந்தனர்.
வேலூரில் வேகமாக வந்த ரயில்.. தண்டவாளத்தை கடக்க முயன்ற 3 பேர் உடல் நசுங்கி பலி!
இந்த நிலையில் இதிலொரு ஹெலிகாப்டர் இன்று விபத்திற்கு உள்ளானது. கராகஸ் பகுதியின் எல்லையில் உள்ள மலை முகட்டில் இந்த் ஹெலிகாப்டர் மோதியது. கட்டுப்பாட்டை இழந்து இந்த ஹெலிகாப்டர் விபத்திற்கு உள்ளது.
இந்த விபத்தில் 5 மூத்த ராணுவ அதிகாரிகள் உட்பட 7 பேர் பலியானார்கள். இந்த சம்பவம் விபத்தா, இல்லை வேறு ஏதேனும் காரணம் இருக்கிறதா என்று விசாரணை நடத்தி வருகிறார்கள்.