Click it and Unblock the Notifications
Don't Miss
-
இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்! -
Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க... -
ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்? -
தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம் -
ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு! -
IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்! -
மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு? -
ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
பீப்பாய் குண்டுவீச்சு.. சிரியாவில் 15 பேர் பலி: 10 பேர் படுகாயம்
பெய்ரூட்: சிரியாவில் விமானத்தில் இருந்து 'பேரல் பாம்' எனப்படும் பீப்பாய் குண்டுகள் வீசப்பட்டதில் சுமார் 15 பேர் பரிதாபமாக உயிரிழந்தனர். 10க்கும் மேற்பட்டோர் படுகாயமடைந்தனர்.
கடந்த 5 ஆண்டுகளாக உள்நாட்டுப் போர் நடந்து வரும் சிரியாவில், ஐ.எஸ். தீவிரவாதிகளுக்கு எதிராக அமெரிக்காவும் அதன் நேச நாடுகளும் ஈராக், சிரியாவில் போரில் குதித்தன. குர்திஸ்தான் படையினரும் துருக்கியும் அமெரிக்காவுக்கு ஆதரவாக தாக்குதல் நடத்தி வருகின்றன.
இந்நிலையில் விமானங்களில் இருந்து போடப்பட்ட பீப்பாய் வெடிகுண்டுகள் வெடித்து சிதறியதில் பொதுமக்கள் சுமார் 15 பேர் பரிதாபமாக உயிரிழந்துள்ளனர். மேலும் 10-க்கும் மேற்ப்பட்டோர் படுகாயமடைந்துள்ளனர். படுகயாமடைந்தவர்கள் மருத்துவமனைகளில் சிகிச்சைக்காக அனுமதிக்கப்பட்டுள்ளனர்.
'பேரல் பாம்' உலோக பீப்பாயில் கச்சா எண்ணெய், நச்சு ரசாயனம், வெடி மருந்து, தலையற்ற கூர் ஆணிகள், உலோக துண்டுகள் ஆகியவை வைக்கப்பட்டிருக்கும். பின், பீப்பாய் 'சீல்' செய்யப்பட்டு, ஹெலிகாப்டர் அல்லது விமானம் மூலம் வானில் இருந்து போடப்படும். பீப்பாய் கீழே விழுந்ததும், உள்ளிருக்கும் வெடிபொருட்கள் பயங்கர சத்தத்துடன் வெடிக்கும். உலோக துண்டுகள் ஆணிகள் ஆகியவை, நாலாபுறமும் பாய்ந்து, மனிதர்களை தாக்கும். இத்தகைய பீப்பாய் குண்டு தாக்குதல் தான் கிழக்கு சிரியாவின் மாடி நகரில் நிகழ்த்தப்பட்டுள்ளது.
அண்டை மாகாணமான பாப் அல் நைராப்பில் கடந்த வாரம் நிகழ்த்தப்பட்ட தாக்குதலில் உயிரிழந்தவர்களுக்கு இரங்கல் கூட்டம் நடைபெற்றுக் கொண்டிருந்த கூடாரம் அருகே முதல் பீப்பாய் வெடிகுண்டு போடப்பட்டதாகவும், அதனைத்தொடர்ந்து அங்கு வந்த ஆம்புலன்ஸை பொதுமக்கள் சூழ்ந்திருந்த பொது இரண்டாவது பீப்பாய் வெடிகுண்டு போடப்பட்டதாகவும் சிரிய மனித உரிமைகள் கண்காணிப்பகம் தெரிவித்துள்ளது.
மேலும், இரண்டாவது வெடிகுண்டு தாக்குதலில் தான் அதிகளவில் உயிரிழப்பு நிகழ்ந்ததாகவும், அந்த தாக்குதலில் ஆம்புலன்ஸ் ஒன்று முற்றிலும் சேதமடைந்ததாகவும் அக் கண்காணிப்பகம் தெரிவித்துள்ளது.
முன்னதாக, வான்வழித் தாக்குதலில் சிக்கி ஐந்து வயது மதிக்கத்தக்க ஒம்ரான் என்ற சிறுவன் தனது உடல் முழுவதும் ரத்த வழிந்தோடிய நிலையில் ஆம்புலன்ஸில் அமர்ந்திருப்பது போன்று புகைப்படம் வெளியான நிலையில், இந்த தாக்குதல் நடத்தப்பட்டுள்ளது என்பது குறிப்பிடத்தக்கது.
