சரியான வாய்ப்பு.. டிரம்பை வைத்து மோடி நகர்த்தும் காய்கள்.. ஹவுடி மோடிக்கு பின் அதிரடி திட்டம்!

Published: Sunday, September 22, 2019, 10:53 [IST]

Subscribe to Oneindia Tamil

மோடி

முதலில் இந்த விழாவில் மோடி மட்டுமே கலந்து கொள்வதாக இருந்தது. ஆனால் கடைசியில் இதில் டிரம்பையும் கலந்து கொள்ள வைக்க முடிவு செய்யப்பட்டது. இதனால் டிரம்ப் இந்த விழாவில் கலந்து கொள்ள வேண்டும் என்று பிரதமர் மோடி தரப்பில் கேட்கப்பட்டது. இதற்கு அமெரிக்க அதிபர் தரப்பு கொஞ்சமும் யோசிக்காமல் உடனே ஒப்புக்கொண்டது.

எப்படி முக்கியம்

பிரதமர் மோடியின் இந்த திட்டத்திற்கு பின் முக்கிய காரணம் இருப்பது குறிப்பிடத்தக்கது. ஆம், ஹவுடி மோடி விழாவிற்கு டிரம்ப்பை வரவழைத்தது பிரதமர் மோடியின் ராஜதந்திரம் என்கிறார்கள். தற்போது காஷ்மீர் பிரச்சனை மிகவும் உச்சத்தில் இருக்கிறது. இதில் உலக நாடுகள் எப்போது வேண்டுமானாலும் இந்தியாவிற்கு எதிராக நிற்கலாம்.

சீனா

ஆம் சீனா எப்போது காஷ்மீர் பிரச்சனையை கையில் எடுத்து பெரிதாக்கலாம் என்று யோசித்து வருகிறது. பாகிஸ்தான் சர்வதேச அளவில் காய் நகர்த்த முயன்று வருகிறது. இந்த இரண்டு நாடுகளையும், மற்ற சில நாடுகளையும் மொத்தமாக சமாளிக்க மோடி எடுத்திருக்கும் ஆயுதம்தான் அமெரிக்கா என்கிறார்கள்.

ஏன் நெருக்கம்

அமெரிக்காவுடன் எவ்வளவு நெருக்கம் ஆக முடியுமோ அவ்வளவு நெருக்கமாக மோடி முடிவு செய்துள்ளார். அதனால்தான் இன்று அவர் டிரம்ப்பை ஹவுடி மோடி விழாவிற்கு அழைத்தார் என்று கூறுகிறார்கள். காஷ்மீர் பிரச்சனையில் இதனால் இந்தியாவின் கை மீண்டும் ஓங்கும் என்கிறார்கள். அமெரிக்காவை இந்தியா பாதுகாப்பு அரணாக பயன்படுத்த போகிறதாம்.

சரிவு

இதுமட்டுமில்லாமல் இந்தியாவின் பொருளாதார சரிவுக்கு இது ஒரு வகையில் கை கொடுக்கும். பொருளாதார சரிவு குறித்த செய்திகளை மக்கள் சில நாட்களுக்கு கவனிக்க மாட்டார்கள். டிரம்ப், மோடியின் விழாவில் கலந்து கொள்வது, பொருளாதார சரிவு குறித்த செய்திகளை திசை திருப்பும். இது தனது பெயரை காக்கும் என்று மோடி நினைக்கிறார்.

தேர்தல்

அதேபோல், மஹாராஷ்டிரா மற்றும் ஹரியானா தேர்தல்களில் பிரதமர் மோடி இதை பற்றி பேச முடிவு செய்துள்ளார் என்கிறார்கள். இந்த டிரம்ப் - மோடி கூட்டத்தை, பாஜக தேர்தல் பிரச்சாரத்தில் பயன்படுத்தும். இதை வைத்து பாஜக மிகப்பெரிய அரசியல் அதிரடியை பிளான் செய்துள்ளது என்றும் குறிப்பிடுகிறார்கள். மிக சாதாரண விழாக்களை கூட மோடி, அரசியல் நிகழ்வாக மாற்றியது உண்டு.. அப்படி இருக்கையில் இவ்வளவு பெரிய விழாவை கண்டிப்பாக பெரிய அரசியல் நிகழ்வாக மோடி மாற்றுவார் என்றுதான் எல்லோரும் கூறுகிறார்கள்.

Published On September 22, 2019