முதல் ரிசல்ட் வெளியாகும் டிக்ஸ்வைல் நாட்ச் நகரில் பதிவான 5 ஓட்டுகளும் ஜோ பிடனுக்குதான்!
நியூ ஹேம்ப்ஷையர்: அமெரிக்க அதிபர் தேர்தலில் டிக்ஸ்வைல் நாட்ச் நகரில் பதிவான 5 வாக்குகளுமே ஜனநாயக கட்சி வேட்பாளர் ஜோ பிடனுக்குதான் கிடைத்திருக்கின்றன. அதிபர் டொனால்ட் டிரம்ப்-க்கு ஒருவர் கூட வாக்களிக்கவில்லை.
அமெரிக்கா- கனடா எல்லையில் உள்ள சிறிய மாகாணம் நியூ ஹேம்ப்ஷையர். இந்த மகாணத்தில் உள டிக்ஸ்வைல்நாட்ச் நகரில்தான் அமெரிக்க அதிபர் தேர்தல் முடிவுகள் முதன் முதலாக வெளியிடப்படுவது வழக்கம்.
1960-ம் ஆண்டு முதல் இது நடைமுறையாக உள்ளது. 2010-ம் ஆண்டு மக்கள் தொகை கணக்கெடுப்பின்படி இந்த நகரில் வசிப்பவர்கள் எண்ணிக்கை 12பேர்தான்.
இவர்களில் 5 பேர் அதிபர் தேர்தலில் வாக்களித்தனர். இந்த 5 பேரும் ஜனநாயக கட்சி வேட்பாளர் ஜோ பிடனுக்கே வாக்களித்திருக்கின்றனர். ஒருவர் கூட டொனால்ட் டிரம்ப்-க்கு வாக்களிக்கவில்லையாம்.
2016 தேர்தலிலும் கூட ஜனநாயக கட்சி வேட்பாளர் ஹிலாரிக்குதான் இங்கு ஆதரவு கிடைத்ததும் குறிப்பிடத்தக்கது.
Click it and Unblock the Notifications
Sign in with Google