உலக அழகி பட்டம் வென்றார் மெக்சிகோவின் வனசா பொன்ஸ் டி லியோன்! தவறவிட்டார் திருச்சி அனுகீர்த்தி

சென்னை: சீனாவில் நடைபெற்ற 2018ம் ஆண்டுக்கான உலக அழகி போட்டியில் மெக்சிகோவை சேர்ந்த வனசா பொன்ஸ் டி லியோன் உலக அழகி (Miss World) பட்டத்தை வென்றுள்ளார். இந்தியா சார்பில் பங்கேற்ற அனுகீர்த்தி டாப் 12 இடங்களுக்குள் முன்னேறவில்லை.

சீனாவின் சான்யா நகரில் 68வது உலக அழகி போட்டி நடைபெற்றது. மொத்தம் 118 பெண்கள் இதில் பங்கேற்றனர். இந்தியா சார்பில் தமிழகத்தின் திருச்சியில் பிறந்தவரான அனுகீர்த்தி பங்கேற்றார்.

அனு கீர்த்தி டாப் 30 வரிசையில் இடம் பெற்றபோதிலும், டாப் 12 இடங்களுக்குள் வரமுடியவில்லை. இதனிடையே இன்று நடைபெற்ற இறுதி போட்டியில், மெக்சிகோவை சேர்ந்த வனசா பொன்ஸ் டி லியோன் (26) 2018ம் ஆண்டின் உலக அழகி பட்டத்தை வென்றார்.

இவருக்கு கடந்த வருடம் உலக அழகி பட்டத்தை வென்ற இந்தியாவை சேர்ந்த மனுஷி சில்லர் உலக அழகிக்கான கிரீடத்தை சூட்டினார்.

Mexico's 𝗩𝗮𝗻𝗲𝘀𝘀𝗮 𝗣𝗼𝗻𝗰𝗲 de Leon is #MissWorld2018
Uganda's Quinn Abenakyo scooped the Miss Africa crown.
Congs to Vanessa and Quinn

Courtesy photo pic.twitter.com/gyTkTVcVdV

— Vanessa Ponce Official (@vanessaponche) December 8, 2018

இந்த போட்டியில் 2வது இடத்தை தாய்லாந்தைச் சேர்ந்த நிகோலெனே பிசபா லிம்ஸ்நுகன் (20) பெற்றுள்ளார். அடுத்து மூன்று இடங்களை பெலாரஸ், ஜமைக்கா மற்றும் உகாண்டாவைச் சேர்ந்த அழகிகள் பிடித்தனர்.

English summary

Mexico's Venessa Ponce de Leon,wins the 68 th Miss World, in Sanya China. Her RunnerUp is Miss Thailand.