மூன்றரை வார குட்டி மகளுக்கு நீச்சல் கற்றுத் தரும் ஒலிம்பிக் வீராங்கனை ரெபெக்கா

Updated: Saturday, August 1, 2015, 10:56 [IST]

Subscribe to Oneindia Tamil

லண்டன்: பிரிட்டனைச் சேர்ந்த பிரபல நீச்சல் வீராங்கனையான ரெபக்கா தன்னுடைய குட்டி மகளுக்கு நீச்சல் கற்றுக் கொடுக்கும் வீடியோ இணையத்தில் வைரலாகப் பரவி வருகின்றது.

பிரிட்டனைச் சேர்ந்த ரெபக்கா அட்லிங்டன் 2008 ஆம் ஆண்டு நடந்த ஒலிம்பிக் போட்டியின் பெண்கள் 400 மீட்டர் ஃப்ரீ ஸ்டைல் பிரிவில் கலந்து கொண்டு தங்கப் பதக்கம் வென்றார்.

இந்த தங்க மங்கைக்கு கடந்த ஜூன் மாதம் 6 ஆம் தேதி, பெக்கி அட்லிங்டன் என்ற ஒரு அழகான குட்டி தேவதை பிறந்தது. மூன்றரை வாரமே ஆன அந்த குட்டி தேவதையை பெருமையுடன் நீச்சல் குளத்திற்கு கூட்டிச் செல்கின்றார் ரெபெக்கா,

அதுமட்டுமல்ல பிறந்த சில வாரங்களே ஆன அக்குழந்தைக்கு நீச்சலும் கற்றுத் தருகிறார் ரெபெக்கா. அவர் தன் குட்டி மகளுக்கு நீச்சல் பழக்கும் காட்சிகள் இப்போது இணையத்தில் படுவேகமாக பரவி வருகிறது. மீன்குஞ்சுக்கு நீந்தக் கற்றுத்தர வேண்டுமா என்ன?