சும்மா பேச்சுக்குத்தானே சொல்வார்கள்.. இங்கு ஒரு பாம்பு நிஜமாவே காக்காவை சாப்பிட்டிருக்கு பாருங்க!
காகத்தை உயிரோடு விழுங்கிய மலைப்பாம்பு விழுங்கும் வீடியோ வைரலாகிறது.
கான்பெர்ரா: காகங்கள் கூடுகளில் இடும் முட்டைகளை பாம்புகள் திருடி திண்ணும் என்று சும்மா ஒரு பேச்சுக்குதான் சொல்வார்கள். ஆனால் ஒரு பாம்பு காக்காவையே சாப்பிட்ட சமாச்சாரம் ஆஸ்திரேலியாவில் நடந்திருப்பது கொஞ்சம் ஷாக் தான்.
ஆஸ்திரேலியாவில் நியூ சவுத் வேல்ஸ் என்ற பகுதி உள்ளது. இங்கு வசித்து வரும் ஒரு பெண்ணின் வீட்டு கூரை மீதிருந்த டிவி ஆண்டனாவில் ஒரு பாம்பு உட்கார்ந்திந்தது. இந்த விஷயம் தெரியாமல் அதே வீட்டு கூரை மீது ஒரு காக்கா வந்து உட்கார்ந்தது.
காக்காவை பார்த்ததும் மலைப்பாம்பு லபக்கென பிடித்துள்ளது. இதை அந்த பெண் பார்த்து பதறிவிட்டார். அலறி கூச்சலிட்டும், பலர் வேடிக்கை பார்த்தும் ஒன்னும் வேலைக்காகவில்லை. நிறுத்தி நிதானமாக அந்த காக்காவை பாம்பு ஒன்றரை மணி நேரத்தில் முழுங்கி ஏப்பமிட்டது.
இதை வேடிக்கை பார்த்த ஒருவர் வீடியோ எடுத்து இணையத்தில் போட அது வைரலாகி வருகிறது. இப்போது காக்கா வந்தது பெரிய மேட்டர் இல்லை. ஆனால் பாம்பு எப்படி ஊருக்குள் அதுவும் வீட்டு கூரை மீது வந்திருக்கும் என்பதால், அந்த பெண் பயந்து போய் இது சம்பந்தமான புகாரை தந்தாராம். ஆனால் ஒருத்தரும் வந்து இன்னும் பாம்பை பிடிக்கவில்லையாம்.
Click it and Unblock the Notifications
Sign in with Google