காபூலில் நிறுத்தி வைக்கப்பட்டிருந்த விமானம் துப்பாக்கி முனையில் கடத்தல்: உக்ரைன் புகார்

Updated: Tuesday, August 24, 2021, 16:05 [IST]

Subscribe to Oneindia Tamil

காபூல்: உக்ரேனியர்களை அழைத்து செல்வதற்காக ஆப்கானிஸ்தானுக்கு வந்த உக்ரேனிய விமானம் அடையாளம் தெரியாத நபர்களால் செவ்வாய்க்கிழமை கடத்தப்பட்டதாக கூறப்படுகிறது.

விமானங்கள் இயக்கம்

இதேபோல் இந்தியா, ஜப்பான், இங்கிலாந்து உள்பட பல்வேறு நாடுகள் தங்கள் நாட்டு பயணிகளை சொந்த நாட்டிற்கு அழைத்து செல்ல விமானங்களை இயக்கி வருகின்றன. அப்படித்தான் உக்ரைனும் விமானங்களை இயக்கி வருகிறது,

திருடிவிட்டார்கள்

இந்நிலையியில் உக்ரேனியர்களை அழைத்து செல்வதற்காக ஆப்கானிஸ்தானுக்கு வந்த உக்ரேனிய விமானம் அடையாளம் தெரியாத நபர்களால் செவ்வாய்க்கிழமை கடத்தப்பட்டதாக கூறப்படுகிறது. காபூலில் நிறுத்தப்பட்டிருந்தஅந்த விமானத்தை ஆயுதம் ஏந்திய மர்ம நபர்கள் கடத்திவிட்டதாக உக்ரைன் புகார் அளித்துள்ளது. அதாவது தங்கள் விமானத்தை யாரோ திருடிவிட்டதாக கூறி உள்ளது உக்ரைன்.

ஈரான் பயணிகள்

உக்ரைனின் துணை வெளியுறவு அமைச்சர் டிமிட்ரி குலேபா இது பற்றி கூறும் போது, காபூலில் நிறுத்தப்பட்டிருந்த எங்கள் விமானம் ஈரானைச் சேர்ந்தவர்களால் கடத்தப்பட்டது. உக்ரேனியர்களை அழைத்துச் செல்வதற்கு பதிலாக அடையாளம் தெரியாத பயணிகளுடன் ஈரானுக்கு பறந்தது.

முடியவில்லை

உக்ரைன் (எங்கள்) நாட்டு பயணிகளை அழைத்துச்செல்வதற்காக காபூல் வந்த எங்கள் விமானத்தில் பயணிகளை ஏற்ற செல்ல முடியவில்லை. மூன்று முறை முயற்சிகள் செய்தும் எங்கள் பயணிகளை அழைத்துச்செல்ல முடியவில்லை. காரணம் என்னவென்றால் , எங்கள் நாட்டு மக்கள் விமான நிலையத்திற்குள் செல்ல முடியவில்லை. அதனால் விமானத்தை காபூல் விமான நிலையத்தில் நிறுத்தி வைத்திருந்தோம்

பேச்சுவார்த்தை

காபூலில் காத்திருந்த எங்கள் விமானத்தை ஆயுதம் ஏந்தியவர்கள் வேறு பயணிகளை ஏற்றிக்கொண்டு ஈரானுக்கு பறந்துவிட்டனர். அதாவது எங்கள் விமானத்தை திருடிக்கொண்டு சென்றுவிட்டார்கள்,. திருடப்பட்ட விமானத்தை மீட்பது தொடர்பாக பேச்சுவார்த்தை நடத்தி வருகிறோம். பயணிகளை மீட்க வேறு விமானம் அனுப்புவது குறித்து திட்டமிட்டு வருகிறோம் என்றார்