காஞ்சிபுரம் லோக்சபா தொகுதி: வலுவான 4 முனைப் போட்டி.. மக்கள் கருணையால் மகுடம் யாருக்கு கிடைக்கும்?

காஞ்சிபுரம் லோக்சபா தொகுதியில் இடம் பெற்றுள்ள சட்டசபை தொகுதிகள்: திருப்போரூர் (தனி), செங்கல்பட்டு, செய்யூர்(தனி), மதுராந்தகம், உத்திரமேரூர், காஞ்சிபுரம்

காஞ்சிபுரம் லோக்சபா தொகுதி வாக்காளர்கள்: மொத்த வாக்காளர்கள்- 17,32,946; ஆண் வாக்காளர்கள்- 8,46,016; பெண் வாக்காளர்கள்- 8,86,636; 3-ம் பாலினத்தவர்: 294.

காஞ்சிபுரம் லோக்சபா தொகுதி வரலாறு: நாடு விடுதலை அடைந்த காலத்தில் ஒரே ஒரு தேர்தல் காஞ்சிபுரம் தொகுதி என்ற பெயரில் நடைபெற்றது. அதன் பின்னர் செங்கல்பட்டு லோக்சபா தொகுதியில் உள்ளடங்கியதாக காஞ்சிபுரம் இருந்தது. 2009-ம் ஆண்டு முதல் காஞ்சிபுரம் (தனி) தொகுதியாக உருமாறி தேர்தல்களை எதிர்கொண்டு வருகிறது.

2009-ம் ஆண்டு லோக்சபா தேர்தல் முடிவுகள்:

பி. விஸ்வநாதன் (காங்கிரஸ்) 3,30,237
ராமகிருட்டிணன்(அதிமுக) 3,17,134
தமிழ்வேந்தன்(தேமுதிக) 1,03,560

2014-ம் ஆண்டு தேர்தல் முடிவுகள்

கே. மரகதம் (அதிமுக) 4,99,395
ஜி. செல்வம் (திமுக) 3,52,529
மல்லை சத்யா(மதிமுக) 2,07,080
விஸ்வநாதன்(காங்கிரஸ்) 33,313

2019-ம் ஆண்டு லோக்சபா தேர்தல் முடிவுகள்:

ஜி.செல்வம் (திமுக)6,84,004
மரகதம் (அதிமுக) 3,97,372
சிவரஞ்சனி (நாம் தமிழர்) 62,771
முனுசாமி (அமமுக) 55,213

2024-ம் ஆண்டு களத்தில் நிற்கும் வேட்பாளர்கள்

ஜி.செல்வம் (திமுக)
ராஜசேகர் (அதிமுக)
ஜோதி வெங்கடேசன் (பாமக)
சந்தோஷ்குமார் (நாம் தமிழர் கட்சி)

காஞ்சிபுரம் தொகுதியில் என்ன தேவை? பேரறிஞர் அண்ணா பிறந்த ஊர்; ஆன்மீக நகரம்; கோவில்களுக்கும் பட்டு நெசவுக்கும் புகழ்பெற்ற இடம். ஏரிகளுக்கும் பெயர் பெற்ற நகரம். நெசவுத் தொழில்தான் பிரதான தொழில். பட்டு நெசவுக்கு ஜிஎஸ்டி வரிவிதிப்பு என்பது தலையாய பிரச்சனை. காஞ்சிபுரம் தொகுதியில் மாமல்லபுரம் முதன்மை சுற்றுலாத்தலமாக திகழ்கிறது. அதே அளவுக்கு காஞ்சிபுரம் மாநகரை மேம்படுத்த வேண்டும்; ஏரிகள், சரணாலயங்களை மேம்படுத்த வேண்டும் என்பதும் எதிர்பார்ப்பு. காஞ்சிபுரம் தொகுதியை சிறந்த சுற்றுலா பகுதியாக்க வேண்டும் என்பது மக்கள் கோரிக்கை.

தற்போதைய தேர்தல் களம்: இம்முறை திமுகவின் சிட்டிங் எம்பி ஜி.செல்வம் மீண்டும் களம் காண்கிறார். இத்தொகுதியில் செல்வம் 3-வது முறையாக களம் காண்கிறார். அதிமுக ராஜசேகர், பாஜக கூட்டணியில் பாமகவின் ஜோதி வெங்கடேசன், நாம் தமிழர் கட்சியின் சந்தோஷ்குமார் களத்தில் உள்ளனர். இம்முறை திமுக கூட்டணி பலமாக உள்ளது. கடந்த முறையே அதிமுக கணிசமான வாக்குகளை அறுவடை செய்தது. அதேபோல நாம் தமிழர் கட்சியும் இம்முறை அதிகமான வாக்குகளைப் பெறும் போது வெற்றி வேட்பாளரின் வாக்கு சதவீதம் குறையக் கூடும்.

English summary

Explore Kancheepuram Lok Sabha Constituency: Candidates, Assembly Constituencies, Voter Count, Past Results & Current Status. காஞ்சிபுரம் மக்களவைத் தொகுதி: வேட்பாளர்கள், சட்டமன்றத் தொகுதிகள், வாக்காளர் எண்ணிக்கை, தேர்தல் முடிவுகள் & தற்போதைய கள நிலவரம் பற்றி அறிய இந்த பக்கத்தை பார்க்கவும்.