உபி.யில் பாஜக மாபெரும் வெற்றி.. மீண்டும் அரியணை ஏறும் யோகி ஆதித்யநாத்.. எதிர்க்கட்சியாகும் சமாஜ்வாதி

லக்னோ: உத்தர பிரதேச சட்டசபை தேர்தலுக்கான வாக்கு எண்ணிக்கை நடைபெற்று வருகிறது. கடைசி கட்ட வாக்கு எண்ணிக்கை பல்வேறு தொகுதிகளில் நடைபெற்று வருகிறது. இதுவரை எண்ணப்பட்ட வாக்குகளில் உ .பியில் பாஜக 274 இடங்களில் வென்று மீண்டும் ஆட்சியை பிடித்துள்ளது. சமாஜ்வாதி 124 இடங்களில் வெற்றி பெற்றுள்ளது. பகுஜன் சமாஜ் 1 இடத்தில் , காங்கிரஸ் 2 இடங்களில் வென்றுள்ளது.

இதன் மூலம் உத்தர பிரதேசத்தில் மீண்டும் பாஜக அரியணை இருக்கிறது. அங்கு மீண்டும் யோகி ஆதித்யநாத் முதல்வராக அரியணை இருக்கிறார். சமாஜ்வாதி கட்சி அதிக எண்ணிக்கையிலான எம்எல்ஏக்கள் பலத்துடன் எதிர்க்கட்சியாக அமருகிறது. உத்தர பிரதேசத்தில் ஒரு மாத தேர்தல் திருவிழா முடிந்த நிலையில்.. பெரும் எதிர்பார்ப்பிற்கு இடையில் இன்று வாக்கு எண்ணிக்கை நடைபெற்றது. உத்தர பிரதேசத்தில் 7 கட்டங்களாக இந்த முறை தேர்தல் நடைபெற்றது. பிப்ரவரி 10ம் தேதி தொடங்கிய தேர்தல் மார்ச் 7ம் தேதி வரை நடைபெற்றது.

403 தொகுதிகளுக்கு 7 கட்டமாக தேர்தல் நடைபெற்றது. இங்கு மெஜாரிட்டி பெற 202 தொகுதிகளில் வெல்ல வேண்டும் என்ற நிலையில் பாஜக 274 இடங்களில் வென்று ஆட்சியை பிடித்துள்ளது.

கடும் போட்டி

முதல்வர் யோகி ஆதித்யநாத் தலைமையிலான பாஜக, அகிலேஷ் தலைமையிலான சமாஜ்வாதி, மாயாவதி தலைமையிலான பகுஜன் சமாஜ், பிரியங்கா காந்தியை முன்னிலைப்படுத்தி காங்கிரஸ் ஆகிய கட்சிகள் இந்த தேர்தலில் களம் கண்டன. தேர்தல் பிரச்சாரத்தின் போது சமாஜ் வாதி பாஜக இடையில் கடும் போட்டி நிலவியது. முக்கியமாக ஓபிசி வாக்குகள் அங்கு அதிக முக்கியத்துவம் பெற்றனர்.

கணிப்புகள்

பல்வேறு செய்தி நிறுவனங்கள், கருத்து கணிப்பு அமைப்புகள் வெளியிட்ட தேர்தலுக்கு பிந்தைய கருத்து கணிப்புகள் படி,

உ.பி எப்படி? - சராசரி இடங்கள்

மொத்தம் 403 தொகுதிகள்

பெரும்பான்மைக்கு தேவை 202

வெல்லும் வாய்ப்புள்ள கட்சி பாஜக

பாஜக வெல்லக் கூடிய இடங்கள் 234

மற்ற கட்சிகள் கணிப்பு

சமாஜ்வாதி 151 இடங்களில் வெல்லும் என்று கணிக்கப்பட்டது. பகுஜன் சமாஜ் 14 இடங்களில் வெல்லும் என்று கணிக்கப்பட்டது.காங்கிரஸ் 9 இடங்களில் வெல்லும் என்று கணிக்கப்பட்டது. இந்த நிலையில் தற்போது வாக்கு எண்ணிக்கை விறுவிறுப்பாக நடைபெற்று வருகிறது. ஆனால் கணிப்புகளை மிஞ்சி பாஜக இதுவரை 274 இடங்களில் வென்று ஆட்சியை தக்க வைத்துள்ளது.

கடந்த தேர்தல்

1985-ம் ஆண்டுக்குப் பின்னர் தொடர்ச்சியாக 2-வது முறையாக எந்த கட்சியும் ஆட்சியை தக்க வைத்தது இல்லை என்பதை முறியடித்து அங்கு பாஜக சரித்திரம் படைத்துள்ளது.கடந்த சட்டசபை தேர்தலில் உத்தர பிரதேசத்தில் பாஜக 303 இடங்களை வென்று ஆட்சியை பிடித்தது. கடந்த முறையை விட கிட்டத்தட்ட 29 இடங்கள் பாஜக குறைவாக வென்றுள்ளது.

சமாஜ்வாதி

அங்கு பாஜக கூட்டணியில் இருந்த அப்னா தளம் கட்சியின் 9 இடங்களையும் சேர்த்து 312 இடங்களில் வென்றது. எதிர்க்கட்சியான சமாஜ்வாதி கட்சிக்கு 49 இடங்களில் வென்றது. இந்த முறை சமாஜ்வாதி 124 இடங்களில் வென்றுள்ளது. பகுஜன் சமாஜ் பார்ட்டி 15 இடங்களில் வென்றது. காங்கிரஸ் கட்சி 7 இடங்களில் வென்றது குறிப்பிடத்தக்கது.

English summary

Uttar Pradesh election result: All you need to know about counting, leading, winners and losers.