கோ பேக் மோடி, வெல்கம் வைகோ.. இருவேறு போஸ்டர்களால் பரபரப்பு.. அதகளப்படும் மதுரை
மதுரை: மதுரையில் எய்ம்ஸ் மருத்துவமனை அடிக்கல் நாட்டு விழாவுக்கு வரும் பிரதமர் மோடிக்கு கறுப்பு கொடி காட்டப்படும் என கூறிய மதிமுக பொதுச் செயலாளர் வைகோவை வரவேற்று பாஜக தரப்பில் ஆதரவு போஸ்டர்கள் மதுரையில் ஒட்டப்பட்டதால் பரபரப்பு ஏற்பட்டுள்ளது.
மதுரை தோப்பூரில் நடைபெறும் எய்ம்ஸ் மருத்துவமனை அடிக்கல் நாட்டு விழா இன்று நடைபெறுகிறது. இதில் பிரதமர் நரேந்திர மோடி கலந்து கொள்கிறார்.
எதிர்ப்புகள்
அவர் தமிழகத்துக்கு வந்தால் கருப்பு கொடி போராட்டம் நடத்தப்படும் என எதிர்க்கட்சிகள் கூறியுள்ளன. இது ஒரு புறம் இருக்க டுவிட்டரிலும் மோடி எதிராக எதிர்ப்பலைகள் வீசுகிறது.
கறுப்பு கொடி
இந்நிலையில் தஞ்சாவூரில் மதிமுக பொதுச் செயலாளர் வைகோ பேசுகையில் எய்ம்ஸ் மருத்துவமனைக்கு அடிக்கல் நாட்டுவதற்காக மதுரைக்கு வரும் பிரதமர் மோடிக்கு கறுப்புக் கொடி காட்டப்படும்.
போஸ்டர்கள்
மேலும் கருப்பு பலூன்கள் சிபிஐ கூட கண்டுபிடிக்க முடியாத இடத்தில் இருந்து பறக்கவிடப்படும் என்றும் கூறியிருந்தார். இந்நிலையில் மோடிக்கு கறுப்புக் கொடி காட்டும் வைகோவை வெறுப்பேற்றும் விதமாக பாஜகவினர் அவரை வரவேற்று போஸ்டர்களை ஒட்டியுள்ளனர்.
வழி மீது விழி
அந்த போஸ்டர்களில் நாளை கறுப்புக் கொடி காட்ட வருகை தரும் வைகோ அவர்களை பாரதிய ஜனதா கட்சி இளைஞரணி சார்பில் வரவேற்கிறோம். உங்களை வரவேற்று வழியனுப்ப பாஜக இளைஞரணி வழி மீது விழி வைத்து காத்துக் கொண்டிருக்கிறது என குறிப்பிடப்பட்டுள்ளது.
Click it and Unblock the Notifications
Sign in with Google