திமுக கூட்டணி கட்சி வேட்பாளர் சின்ராஜ் விபத்தில் சிக்கினார்... மருத்துவமனையில் அனுமதி

நாமக்கல்: நாமக்கல் தொகுதியில் கொங்குநாடு மக்கள் தேசிய கட்சி வேட்பாளராக களமிறங்கி உள்ள ஏ.கே.பி. சின்ராஜ் விபத்தில் காயமடைந்தார்.

நல்லிபாளையம் அருகே 10 அடி பள்ளத்தில் கார் கவிழ்ந்து விபத்து ஏற்பட்டது. இந்த விபத்தில் காயமடைந்த சின்ராஜ், அவரது மனைவி சாந்தி மருத்துவமனையில் சிகிச்சைக்காக அனுமதிப்பட்டுள்ளளனர்.

நாளை தேர்தல் நடைபெற உள்ள நிலையில், திமுக கூட்டணி கட்சி வேட்பாளர் சின்ராஜ்-க்கு காயம் ஏற்பட்டுள்ள சம்பவம் அப்பகுதியில் பரபரப்பை ஏற்படுத்தி உள்ளது.

கட்சி தொண்டர்கள் மருத்துவமனை முன்பு குவிந்தனர். தொகுதி மறுசீரமைப்புக்கு பிறகு நடைபெற்ற இரண்டு மக்களவைத் தேர்தல்களில் திமுக-வும், அதிமுக-வும் தலா ஒரு முறை இந்த தொகுதியில் வென்றுள்ளன.

இந்த மக்களவைத் தேர்தலில் திமுக தலைமையிலான கொங்கு நாடு மக்கள் தேசிய கட்சியின் சின்ராஜூம், அதிமுக தலைமையிலான கூட்டணியில் அதிமுகவின் பி. காளியப்பன் போட்டியிடுகின்றனர். முதன் முறையாக கொங்கு நாடு மக்கள் தேசிய கட்சிக்கு முதல் எம்.பி கிடைக்குமா? என்று எதிர்பார்க்கப்பட்ட நிலையில், ஏ.கே.பி. சின்ராஜ் விபத்தில் காயமடைந்துள்ள சம்பவம் பரபரப்பாக பேசப்படுகிறது.

English summary

AKP Sinraj (KMDK) met with an accident