நோ ரீல்ஸ்...நோ போஸ்ட்...நள்ளிரவில் ஏரோப்ளேன் மோடுக்கு போன இன்ஸ்டாகிராம் பயனாளிகள்! காரணம் இதுதான்

Updated: Friday, September 23, 2022, 16:46 [IST]

Subscribe to Oneindia Tamil

நியூயார்க்: பிரபல சமூக வலைத்தளமான இன்ஸ்டாகிராம் நேற்றிரவு திடீரென முடங்கியதால் டிவிட்டரில் InstagramDown எனும் ஹாஷ் டேக் டிரென்டானது.

இதற்கான காரணம் என்ன என்று இதுவரை தெரியாத நிலையில், உலகின் பல்வேறு பகுதிகளிலும் இந்த பாதிப்பை பயனாளர்கள் உணர்ந்துள்ளனர்.

அதேபோல iOS மற்றும் Android என இரண்டு பயனாளர்களையும் இது பாதித்ததன் காரணமாக பலர் இன்ஸ்டாகிராம்-க்கு பதிலாக டிவிட்டரை பரிந்துரைப்பதை போன்று மீம்ஸ்களை பகிர்ந்தனர்.

மீம்ஸ்கள்

அமெரிக்காவின் நேரப்படி காலை 9.30 மணி முதல் இன்ஸ்டாகிராம் சரியாக செயல்படவில்லை என சொல்லப்படுகிறது. இதை உணராத மக்கள் தங்கள் நெட் இணைப்புகளை ஆஃப் செய்து மீண்டும் ஆன் செய்தும், வைஃபை நெட்வெர்க்கில் பிரச்னை என்றும் முதலில் கருதியுள்ளனர். ஆனால், பின்னர்தான் உலகம் முழுவதும் பெரும்பாலான இடங்களில் இன்ஸ்டாகிராம் சரியாக செயல்படவில்லை என்று உணர்ந்துள்ளனர். இது குறித்து டிவிட்டரில் மீம்ஸ்கள் டிரென்டாகியுள்ளன.

ஹேஷ்டேக்

பலர் இன்ஸ்டாகிராமுக்கு பதில் டிவிட்டரை பயன்படுத்தலாம் என்று பரிந்துரைத்துள்ளனர். இன்ஸ்டாகிராமில் ஸ்டோரிகளை படிக்கவும், அதை பகிரவும் முடியாமல் பயனர்கள் தவித்துள்ளனர். மேலும் தனிப்பட்ட மெசேஜ்களை அனுப்ப முடியாமலும், வீடியோக்களை பார்க்க முடியாமலும் தவிர்த்துள்ளனர். இதனையடுத்து கடுப்பான பயனர்கள் டிவிட்டரில் #InstagramDown எனும் ஹேஷ்டேகை டிரென்ட் செய்துள்ளனர். இன்ஸ்டாகிராமிலிருந்து வெளியேறி டிவிட்டரில் சென்று குடியேறுவது போன்றும் பல மீம்ஸ்கள் நேற்றிரவு இரவு முழுவதும் தெறிக்கவிடப்பட்டுள்ளன.

இயல்புதான்

மெட்டா நிறுவனத்திற்கு சொந்தமான இந்த இன்ஸ்டாகிராம் அவ்வப்போது முடங்கி வருவது இயல்புதான். அதேபோல மெட்டா பேஸ்புக், வாஸ்ட்அப் உள்ளிட்ட சமூக வலைத்தளத்தையும் நடத்தி வருகிறது. இதிலும் அவ்வப்போது சில தொழில்நுட்ப கோளாறு ஏற்பட்டு முடங்கிவிடுவது இயல்புதான். தற்போது இன்ஸ்டாகிராமில் ஏற்பட்ட தொழில்நுட்ப கோளாறு அமெரிக்கா, தென் அமெரிக்கா, ஆசியா மற்றும் ஐரோப்பாவில் இன்ஸ்டாகிராம் பயன்பாட்டை பெரியதாக பாதித்திருக்கிறது.

இந்தியா

இதற்காக முழுமையான காரணம் குறித்து ஆய்வு செய்து வருவதாக மெட்டா தரப்பிலிருந்து தகவல்கள் வெளியாகியுள்ளன. எது எப்படியாயினும் சுமார் 230.25 மில்லியன் பயனாளர்களை கொண்டுள்ள இந்தியாவில் இந்த பாதிப்பு பல பயனாளர்களை தூங்கவிடாமல் ஆக்கிவிட்டது என்பது குறிப்பிடத்தக்கது.