ஒவ்வொரு MLAவுக்கும் 500 கிலோ ஸ்வீட், 500 பாக்ஸ் வெடி.. தீபாவளிக்கு வாரி வழங்கும் புதுச்சேரி முதல்வர்
புதுச்சேரி: தீபாவளி பண்டிகையையொட்டி புதுச்சேரியில் உள்ள அனைத்து எம்.எல்.ஏக்களுக்கும் தலா 500 பட்டாசு கிஃப்ட் பாக்ஸ்கள், 500 கிலோ ஸ்வீட் பாக்ஸ்கள் பரிசாக வழங்கப்படும் என புதுச்சேரி முதல்வர் ரங்கசாமி அறிவித்துள்ளதால், எம்.எல்.ஏக்கள் மகிழ்ச்சி அடைந்துள்ளனர்.
வரும் நவம்பர் 12ஆம் தேதி ஞாயிற்றுக்கிழமை தீபாவளி பண்டிகை வரவுள்ளது. பல்வேறு துறைகளிலும் பணிபுரியும் ஊழியர்கள் தீபாவளி போனஸ் பெற்றுள்ளனர். அண்டை மாநிலமான புதுச்சேரியில், எம்.எல்.ஏக்களுக்கு தீபாவளிக்கு ஸ்பெஷல் பரிசை அறிவித்துள்ளார் புதுச்சேரி முதலமைச்சரும், என்.ஆர்.காங்கிரஸ் தலைவருமான ரங்கசாமி.
தீபாவளி பண்டிகையையொட்டி புதுச்சேரியில் உள்ள அனைத்து எம்.எல்.ஏக்களுக்கும் கட்சி சார்பின்றி, அதாவது மொத்தமுள்ள 33 எம்.எல்.ஏக்களுக்கும், தலா 500 பட்டாசு கிஃப்ட் பாக்ஸ்கள், 500 கிலோ ஸ்வீட் பாக்ஸ்கள் பரிசாக வழங்கப்படும் என புதுச்சேரி முதல்வர் ரங்கசாமி அறிவித்துள்ளார். முதல்வர் ரங்கசாமியின் இந்த அறிவிப்பால் அம்மாநில எம்.எல்.ஏக்கள் மகிழ்ச்சி அடைந்துள்ளனர்.
எம்.எல்.ஏக்கள், தங்கள் ஆதரவாளர்கள், நெருக்கமானவர்களுக்கு ஸ்வீட் பாக்ஸ், பட்டாசு பாக்ஸ் வழங்கிக் கொள்ளும் வகையில் அனைவருக்கும் தலா 500 பட்டாசு பாக்ஸ், 500 ஸ்வீட் பாக்ஸ் வழங்கப்படும் என்ற அறிவிப்பு, எம்.எல்.ஏக்களை மட்டுமின்றி, அவர்களது ஆதரவாளர்களையும் மகிழ்ச்சியில் ஆழ்த்தியுள்ளது.
தீபாவளி பண்டிகையை முன்னிட்டு, புதுச்சேரியில் உள்ள அனைத்து குடும்ப அட்டைதாரர்களுக்கும் சர்க்கரை மற்றும் அரிசி வழங்குவதற்கு பதிலாக, அதற்கு ஈடான தொகையாக ரூ.490 தீபாவளி பரிசு வழங்க இருப்பதாக அறிவிக்கப்பட்டது. 490 ரூபாய் தொகை, பொதுமக்களின் வங்கி கணக்குகளில் வரவு வைக்கப்படும் என்று புதுச்சேரி மாநில அரசு அறிவித்துள்ளது குறிப்பிடத்தக்கது.
முன்னதாக, தீபாவளி பண்டிகைக்கு மறுநாளான நவம்பர் 13ஆம் தேதி புதுச்சேரிக்கு அரசு விடுமுறை வழங்கப்பட்டது.இந்த ஆண்டு தீபாவளி பண்டிகை நவம்பர் 12ஆம் தேதி ஞாயிற்றுக்கிழமை வருகிறது. இதனை கொண்டாட மக்கள் தங்களின் சொந்த ஊர் அல்லது வெளியூர் செல்வார்கள். இதனால் தீபாவளி முடிந்து அவர்கள் உடனடியாக ஊர் திரும்ப முடியாது. இதனால் தீபாவளிக்கு மறுநாளான திங்கட்கிழமை விடுப்பு வழங்க வேண்டும் என கோரிக்கை வைக்கப்பட்டது. இதனை ஏற்று நவம்பர் 13ஆம் தேதியும் அரசு விடுமுறை வழங்கியுள்ளது.
Click it and Unblock the Notifications
Sign in with Google