அதிகாரப்பூர்வ அறிவிப்புக்கு முன்பே.. வேட்பாளர் அறிவிப்புக் கூட்டம்.. முஸ்லீம் லீக் அதிரடி!

ராமநாதபுரம்: திமுக கூட்டணிக் கட்சிகளுக்கான தொகுதிகள் குறித்த விவரம் நாளைதான் வெளியிடப்படவுள்ளது. இந்த நிலையில் இந்திய யூனியன் முஸ்லீம் லீக் வேட்பாளர் கூட்டத்தை நடத்தியது சலசலப்பை ஏற்படுத்தியுள்ளது.

இந்திய யூனியன் முஸ்லீம் லீக் கட்சிக்கு ராமநாதபுரம் தொகுதி ஒதுக்கப்பட்டுள்ளது. இதுகுறித்து நாளை அதிகாரப்பூர்வ அறிவிப்பு வெளியாகவுள்ளது. தொகுதி ஒதுக்கீடு குறித்து முதலில் தெரிவித்தது நமது ஒன்இந்தியா தமிழ் இணையதளம்தான்.

இந்த நிலையில் சென்னையில் சென்னை வாழ் ராமநாதபுரம் தொகுதி மக்கள் மத்தியில் வேட்பாளர் அறிமுகக் கூட்டம் நடந்துள்ளது. அதில் வேட்பாளராக நவாஸ் கனி என்பவரின் பெயர் இடம் பெற்றிருந்தது. தனது சொந்த ஏணி சின்னத்தில் முஸ்லீம் லீக் கட்சி இத்தேர்தலில் போட்டியிடுகிறது.

நாளை தொகுதி ஒதுக்கீடு விவரம் வெளியாகியுள்ள நிலையில் முஸ்லீம் லீக் கட்சி அட்வான்ஸ்டாக வேட்பாளர் அறிமுகக் கூட்டத்தையே நடத்தி அசத்தி விட்டது.

English summary

IUML has conducted a candidate introduction meeting in Chennai recently.