5 காசு, 10 காசு கொடுங்க.. காரைக்குடி பிரியாணியை பிடிங்க.. அதிரடி ஆஃபரால் குதுகலமாக கூடிய மக்கள்!

சிவகங்கை: 50 ரூபாய் பிரியாணி.. ரூ.100 பிரியாணி என்று போர்டு வைத்திருப்பதை பார்த்திருப்போம். மலிவு விலை பிரியாணி கடைகளில் கூட்டம் அலைமோதுவதையும் பார்த்திருப்போம்.

ஆனால், செல்லாத காசுகளான ஐந்து காசு, பத்துக் காசுக்கு பிரியாணி தருவதாக ஒரு ஹோட்டல் அறிவித்தால் மக்கள் சும்மா இருப்பார்களா. லைன் கட்டி குவிந்துவிட்டனர்.

சிவகங்கை மாவட்டம் காரைக்குடி புதிய பேருந்து நிலையம் பின்புறம் அமைந்துள்ள ஒரு தனியார் ஹோட்டலில்தான் இப்படி ஒரு ஆஃபர் கொடுத்து அசத்தியுள்ளனர்.

ஹோட்டலின் முதலாம் ஆண்டு திறப்பு விழாவை முன்னிட்டு வித்தியாசமாக எதையாவது செய்து வாடிக்கையாளர்களை ஈர்க்க ஹோட்டல் நிர்வாகம் திட்டமிட்டது. எனவே, செல்லாத காசுகளான 5 காசு, 10 காசு கொண்டு வந்தால், பிரியாணி வழங்கப்படும் என்று விளம்பரப்படுத்தியுள்ளனர்.

இதையடுத்து, பொதுமக்கள் தங்களது வீடுகளில் உள்ள பழைய நாணயங்களான, 5 காசு, 10 காசுகளை, எங்கிருந்தெல்லாமோ தேடிப்பிடித்து, இன்று பிரியாணி வாங்க ஹோட்டல் முன்பு வந்து குவிந்துவிட்டனர். ஹோட்டல் முன்பாக கூட்டம் அலைமோதியது. நீண்ட வரிசையில் நின்று பிரியாணியை வாங்கி மகிழ்ச்சியாய் சென்றனர்.

English summary

Food offer was made at a private hotel located behind the new bus stand in Karaikudi, Sivagangai district.The hotel management planned to do something different to attract customers ahead of the hotel's first year opening. So, they have advertised that if you bring 5 coins and 10 coins which are not valid, the Biryani will be given.