இலங்கை: இந்துத்துவா அமைப்புகள் எதிர்ப்பு எதிரொலி- இந்து மத விவகாரங்களுக்கான அமைச்சர் மஸ்தான் நீக்கம்
துணை அமைச்சர் மஸ்தானிடம் இருந்து இந்து மத விவகாரங்கள் துறை பறிக்கப்பட்டுள்ளது.
Recommended Video
கொழும்பு: இலங்கையில் இந்து மத விவகாரங்களுக்கான துணை அமைச்சராக இஸ்லாமியரான மஸ்தான் நியமிக்கப்பட்டதற்கு கடும் எதிர்ப்பு எழுந்ததைத் தொடர்ந்து அவர் நீக்கப்பட்டுள்ளார்.
இலங்கையில் அண்மைக்காலமாக இந்துத்துவா அமைப்புகள் வெளிப்படையாக செயல்படத் தொடங்கியுள்ளன. யாழ்ப்பாணத்தில் மாட்டிறைச்சி கடைகள் திறக்கப்பட்டதற்கு இந்துத்துவா அமைப்புகள் கடும் எதிர்ப்பு தெரிவித்திருந்தன.
இஸ்லாமியர்கள் இலங்கையை விட்டு வெளியேற வேண்டும்; இலங்கை என்பது இந்துக்கள் மற்றும் பவுத்தர்களின் பூமி எனவும் இந்துத்துவா அமைப்புகள் எச்சரிக்கை விடுத்திருந்தன.
இந்த நிலையில் இந்து மத விவகாரங்களுக்கான துணை அமைச்சராக இஸ்லாமியரான மஸ்தானை அதிபர் மைத்ரிபால சிறிசேன நியமித்திருந்தார். இதற்கு இந்துத்துவா அமைப்புகள் கடும் எதிர்ப்பு தெரிவித்தன.
இதனையடுத்து இந்து மத விவகாரங்களுக்கான அமைச்சர் பதவியில் இருந்து மஸ்தானை அதிபர் மைத்ரிபால சிறிசேன நீக்கியுள்ளார்.