பலநூறு கோடி! 300 வருடம் பழையது! சுரங்கத்தை தோண்டிய மக்கள் கண்ட "பிங்க்" அதிசயம்.. ராக்கி பாய் எங்கே?

Published: Wednesday, July 27, 2022, 14:48 [IST]

Subscribe to Oneindia Tamil

சிட்னி: ஆஸ்திரேலியாவில் சுரங்கம் ஒன்றில் மிகவும் பழமையான பிங்க் நிற வைரத்தை சுரங்க ஊழியர்கள் கண்டுபிடித்து உள்ளனர்.

கேஜிஎப் படத்தில் தங்க சுரங்கத்திற்கான மோதலும், அதை ராக்கி பாய் எப்படி கட்டி ஆண்டான் என்பதும் கதையாக பேசப்பட்டு இருக்கும். அந்த கேஜிஎப் தங்க வயல் போலவே ஆஸ்திரேலியாவில் இருக்கும் வைர வயல் ஒன்று உலகம் முழுக்க கவனம் ஈர்த்து உள்ளது. உலகம் முழுக்க பல நாடுகளில் வைர சுரங்கங்கள் அதிகம் உள்ளன. அதிலும் ஆப்ரிக்க மற்றும் ஆஸ்திரேலிய கண்டங்களில் அதிக அளவில் வைர சுரங்கங்கள் உள்ளன.

உலகிலேயே அதிக அளவிலான டயமண்ட் போட்ஸ்வானா நாட்டில் ஓரப்பா சுரங்கத்தில் எடுக்கப்படுகிறது. உலகிலேயே இந்த சுரங்கத்தில்தான் அதிக வைரம் இருப்பதாக நம்பப்படுகிறது.

வைரம்

ஆனால் இந்த சுரங்கத்தில் கூட கிடைக்காத மிகவும் விலை உயர்ந்த வைரம் ஒன்று ஆஸ்திரேலியாவில் உள்ள சுரங்கம் ஒன்றில் கண்டுபிடிக்கப்பட்டு உள்ளது. ஆஸ்திரேலியாவின் ஆங்க்லோ என்ற சுரங்கத்தில்தான் இந்த வைரம் கண்டிபிடிக்கப்பட்டுள்ளது. முழுக்க முழுக்க பிங்க் நிறத்தில் இருக்கும் வினோத வைரம் ஆகும் இது. ராட்சச அளவு கொண்ட விசித்திர தோற்றம் கொண்டது இது.

ஆஸ்திரேலியா

இந்த வைரம் கவனம் பெற காரணமே அதன் நிறம்தான். அந்த வைரம் பிங்க் நிறம் கொண்டது ஆகும். அதோடு இது 300 ஆண்டுகள் பழையது. இது 170 கேரட் சுத்தமான வைரம் என்பது குறிப்பிடத்தக்கது. இந்த வைரம் கண்டுபிடிக்கப்பட்ட சுரங்கத்திற்கு பெயர் லுலோ மெயின் சுரங்கம் ஆகும். இதற்கு லுலோ ரோஸ் வைரம் என்று பெயர் வைத்து உள்ளனர். அந்த நிறுவனம் கண்டுபிடித்ததிலேயே மிக பெரிய வைரம் இதுதான்.

சுரங்கம்

அதேபோல் அவர்கள் கண்டுபிடித்ததிலேயே மிக பழமையான வைரம் இதுதான். உலகிலேயே மிகவும் அரிதாக கிடைக்கும், மிக மிக சுத்தமான வைரம் இதுதான் என்று சுரங்க அதிகாரிகள் தெரிவித்து உள்ளனர். உலகில் இதே அளவில், பிங்க் நிறத்தில் வைரம் கிடைப்பது மிகவும் கடினம். இதை ஏலம் விட முடிவு செய்து இருக்கிறோம். இதை கட் செய்து பாலிஸ் செய்ய வேண்டும்.

பிங்க்

அப்படி செய்யும் போது இதன் எடையில் பாதி குறைந்து போக்கும். ஆனாலும் இதன் மதிப்பு 500 கோடி ரூபாய்க்கு மேல் இருக்கும். ஹாங்காங்கில் 60 கேரட் பிங்க் வைரம் 500 கோடிக்கு ஏலம் போனது. இப்போது கண்டுபிடிக்கப்பட்டது அதை விட பழையது, அதைவிட அதிக மதிப்பு கொண்டது. இதன் காரணமாக இந்த புதிய வைரம் கண்டிப்பாக 500 கோடி ரூபாய்க்கும் அதிகமான விலைக்கு ஏலம் போகும் என்று சுரங்க ஊழியர்கள் தெரிவித்துள்ளனர்.

Published On July 27, 2022