கருணாநிதி உடல்நிலை... காவேரி மருத்துவமனைக்கு நடிகர் விஜய் வருகை

காவேரி மருத்துவமனைக்கு நடிகர் விஜய் வந்துள்ளார்.

சென்னை: காவேரி மருத்துவமனைக்கு நடிகர் விஜய் செல்கிறார் என்று தகவல்கள் கூறுகின்றன.

கருணாநிதிக்கு குறைந்த ரத்த அழுத்தம் காரணமாக அவர் கடந்த சில நாட்களுக்கு முன்னர் ஆழ்வார்பேட்டையில் உள்ள காவேரி மருத்துவமனையில் அனுமதிக்கப்பட்டுள்ளார்.

தொடர்ந்து அவருக்கு சிகிச்சை கொடுக்கப்பட்டு வருகிறது. அவர் நலமுடன் வெளியே வருவதை காண ஏராளமான தொண்டர்கள் மருத்துவமனை வாயிலில் காத்து கிடக்கின்றனர்.

இந்நிலையில் நேற்றைய தினம் கருணாநிதியை சந்திக்க ராகுல் காந்தி காவேரி மருத்துவமனைக்கு வந்திருந்தார். அப்போது கருணாநிதியிடம் ஸ்டாலின் ராகுல் வருகையை கூற அவர் தனது கண்களை திறந்து பார்க்கும் புகைப்படம் வெளியானது.

இதனால் தொண்டர்கள் மகிழ்ச்சியாக உள்ளனர். இந்நிலையில் நேற்று இரவு ரஜினிகாந்த், ஸ்டாலினை சந்தித்து கருணாநிதியின் உடல்நிலை குறித்து விசாரித்தார்.

இந்நிலையில் இன்று நடிகர் விஜய் காவேரி மருத்துவமனைக்கு வந்தார். அங்கு அவர் கருணாநிதியின் குடும்பத்தினரிடம் நலம் விசாரித்தார்.

English summary

Actor Vijay is going to Kauvery hospital to inquire about Karunanidhi's health.