ஓவியா ஆர்மி, யாஷிகா ஆர்மி வரிசையில் 10,000 பேருடன் உதயமாகிறது "அதிமுக ட்விட்டர் ஆர்மி"

ட்விட்டரில் உதயமாகிறது அதிமுக ட்விட்டர் ஆர்மி.

சென்னை: ட்விட்டரில் ஆர்மிகளின் எண்ணிக்கை அதிகரிக்கத் தொடங்கியுள்ளது. தற்போது 10,000 பேருடன் அதிமுக ட்விட்டர் ஆர்மி உருவாக்கப்படும் என அறிவிக்கப்பட்டுள்ளது.

பிக்பாஸ் சீசன் 1-ல் நடிகை ஓவியாவின் பரிதாபங்களுக்காக கொந்தளித்த ரசிகர்கள் உருவாக்கியது ஓவியா ஆர்மி. பிக்பாஸ் சீசன் 2-ல் தம்மை ஓவியாவாக காட்டிக் கொள்ளும் நடிகை யாஷிகாவுக்கு சீசன் தொடங்கும்போதே ஆர்மி உருவாக்கப்பட்டுள்ளது.

ட்விட்டரை அதகளப்படுத்தும் இந்த ஆர்மி ஜூரம் அரசியல் கட்சிகளையும் விட்டு வைக்கவில்லை. அதிமுகவின் அதிகாரப்பூர்வ ஏடான நமது அம்மாவின் இன்றைய நாளிதழில் 3-ம் பக்கத்தில் ஒரு விளம்பரம் வெளியிடப்பட்டுள்ளது.

அதில், 10,000 பேர் கொண்ட #AIADMKinTwitter அதிமுக ட்விட்டர் ஆர்மிய உருவாக்குவோம் என தெரிவிக்கப்பட்டுள்ளது. மேலும் ஒவ்வொருவரும் குறைந்தபட்சம் 5 சமூக வலைதள பதிவாளர்களை ட்விட்டர் அக்கவுண்ட் ஓபன் செய்ய வைத்து அதை ஸ்கிரீன்ஷாட் எடுத்து தங்கள் நண்பர்கள் 10 பேரை டேக் செய்து தங்களது சமூக வலைதளத்தில் பதிவிடுங்கள் - அதிமுக தகவல் தொழில்நுட்ப பிரிவு செயலாளர் என்கிறது விளம்பரம்.

இந்த விளம்பரம் சமூக வலைதளங்களில் வைரலாக ஷேர் செய்யப்பட்டு வருகிறது.

English summary

AIADMK wil create the army Group in Twitter.