சிவாஜி மணிமண்டபத்தில் கருணாநிதியின் பெயரும் இடம்பெறும்.. நடிகர் பிரபு நம்பிக்கை

நடிகர் சிவாஜியின் அடையாறு மணிமண்டபத்தில் மறைந்த திமுக முன்னாள் தலைவர் கருணாநிதியின் பெயரும் இடம்பெறும் என்று நடிகர் பிரபு தெரிவித்துள்ளார்.

சென்னை: நடிகர் சிவாஜியின் அடையாறு மணிமண்டபத்தில் மறைந்த திமுக முன்னாள் தலைவர் கருணாநிதியின் பெயரும் இடம்பெறும் என்று நடிகர் பிரபு தெரிவித்துள்ளார்.

இந்தியாவின் முக்கிய நடிகர் சிவாஜி கணேசனுக்கு இன்று 91வது பிறந்தநாள். இவரது பிறந்தநாளை அரசியல் தலைவர்கள், திரையுலகினர் கொண்டாடி வருகிறார்கள்.

காலையிலேயே பல அரசியல் தலைவர்கள் அவரது மணி மண்டபம் இருக்கும் அடையாறில் சென்று மரியாதையை செலுத்தினார்கள். இந்த நிலையில் சிவாஜியின் மகன் நடிகர் பிரபு அவரது மணிமண்டபத்தில் சென்று மரியாதை செய்தார்.

அதன்பின் அவர், இன்று சிவாஜியின் பிறந்த நாள் அன்று அவருக்கு மரியாதையை செலுத்தியவர்களுக்கு நன்றி. தமிழக அரசுக்கு நன்றி.

அடையாறு மணிமண்டபத்தில் உள்ள சிவாஜியின் பீடத்தில் கருணாநிதியின் பெயர் இருக்க வேண்டும் என்று கோரிக்கை வைக்கப்பட்டுள்ளது. அவர் பெயர் இடம் பெற நடவடிக்கை எடுக்கப்படும் என தமிழக அரசும் உறுதி அளித்து இருக்கிறது.

விரைவில் கருணாநிதியின் பெயர் இங்கு இடம்பெறும். பிறந்த நாளுக்காக இங்கு வந்தவர்கள் அனைவருக்கும் நன்றி, என்றுள்ளார்.

English summary

All set for Late DMK leader Karunanidhi name in Actor Sivaji Memorial says Actor Prabhu.