இளம், நடுத்தர வயதினருடன் நீலகிரியில் களமிறங்கிய அதிமுக- வேட்பாளர் பயோடேட்டா
கப்பச்சி டி.வினோத்
உதகமண்டலம் சட்டசபை தொகுதி அதிமுக வேட்பாளராக கப்பச்சி டி.வினோத் (வயது33) அறிவிக்கப்பட்டுள்ளார். 2001 முதல் அதிமுகவில் அடிப்படை உறுப்பினராகவும், 2008-இல் பாசறை உறுப்பினராகவும் இருந்துள்ளார். 2009-இல் நீலகிரி மாவட்ட இளைஞர், இளம் பெண்கள் பாசறை மாவட்டச் செயலாளராகவும், நீலகிரி மாவட்ட கூட்டுறவு நிறுவனத் தலைவராகவும் பதவி வகித்து வருகிறார்.
சாந்தி ஏ.ராமு
குன்னூர் தொகுதி அதிமுக வேட்பாளராக சாந்தி ஏ.ராமு (வயது 52) அறிவிக்கப்பட்டுள்ளார். தேமுதிகவின் நீலகிரி மாவட்டச் செயலாளராகப் பதவி வகித்து வந்தவர். கடந்த 2014-ஆம் ஆண்டு அதிமுகவில் இணைந்தார்.
எஸ்.கலைச்செல்வன்
கூடலூர் (தனி) தொகுதி வேட்பாளராக எஸ்.கலைச்செல்வன் (வயது 44) அறிவிக்கப்பட்டுள்ளார். 2001-ஆம் ஆண்டு மாவட்ட ஊராட்சி உறுப்பினராகத் தேர்வு செய்யப்பட்டார். 2006, 2011 என தொடர்ந்து பர்லியாறு ஊராட்சியின் தலைவராகப் பதவி வகித்து வருகிறார். 2013 முதல் 2015 வரை நீலகிரி மாவட்டச் செயலாளராகப் பதவி வகித்து வந்தார். தற்போது தாட்கோ தலைவராகப் பதவி வகித்து வருகிறார்.