நாங்க ரெடி.. நீங்க ரெடியா.. ஸ்டாலினுக்கு சவால் விட்ட தமிழிசை!

திமுக தலைவர் மீது கடுமையான விமர்சனம் வைத்துள்ளார் பாஜக மாநில தலைவர்.

சென்னை: திமுக தமிழகத்துக்கு செய்த சாதனைகள் என்னென்ன, அவற்றை பட்டியலிட தயாரா என பாஜக மாநில தலைவர் தமிழிசை சவுந்தராஜன், அக்கட்சி தலைவருக்கு சவால் விடுத்துள்ளார்.

பாஜக-திமுக மோதல் முற்றிகொண்டு வருகிறது. இரு கட்சி தலைவர்களும் கருத்து மோதலை ட்விட்டரில் தொடுத்து கொண்டு வருகிறார்கள். திமுக சார்பில் முப்பெரும் விழா நேற்று நடைபெற்றது. இதல் பேசிய ஸ்டாலின், கடந்த 4 வருடங்களாக மத்திய அரசு தமிழகத்துக்கு எதையுமே செய்யவில்லை என்று குற்றம் சாட்டியிருந்தார்.

தமிழிசை சவால்

திமுக தலைவர் ஸ்டாலினின் இந்த குற்றச்சாட்டுக்கு தமிழக பாஜக தலைவர் தமிழிசை சவுந்திரராஜன் தனது ட்விட்டர் பக்கத்தில் பதிலளித்துள்ளார். அந்த ட்விட்டர் பதிவில் அவர் கூறியுள்ளதாவது:

4ஆண்டுகளில் தமிழகத்திற்கு பாஜக அரசு என்ன செய்தீர்கள் என கேட்கும் ஸ்டாலின் அவர்களே நீங்கள் மத்தியில் ஆண்ட 10 ஆண்டுகளுக்கும் மேலான காலத்தில திமுக தமிழகத்திற்கு செய்த துரோகப்பட்டியல் இதோ!தீராத மின்வெட்டு ,காவிரி ,மீனவர் இலங்கைத்தமிழர் பிரச்சனைகள் ,காங்கிரசின்ஊழல்பங்காளிகள் எய்ம்ஸ்?

— Dr Tamilisai Soundararajan (@DrTamilisaiBJP) September 15, 2018

என்ன செய்தது திமுக?

‘‘4 ஆண்டுகளில் தமிழகத்திற்கு பாஜக அரசு என்ன செய்தீர்கள் என கேட்கும் ஸ்டாலின் அவர்களே, நீங்கள் மத்தியில் ஆண்ட 10 ஆண்டுகளுக்கும் மேலான காலத்தில திமுக தமிழகத்திற்கு செய்த துரோகப்பட்டியல் இதோ!

4 ஆண்டுகளில் தமிழகத்திற்கு கொண்டுவந்ததிட்டங்களை பட்டியலிட நாங்கள்தயார்.10ஆண்டுகளில் திமுக-காங் கூட்டணி ஆட்சியில் கொண்டு வந்த பெரிய திட்டங்களை நீங்கள் பட்டியலிட்டுவிட்டு (ஒன்றுமில்லை என நீங்களே அறிவீர்கள்)எங்களிடம் கேளுங்கள் பதில்சொல்கிறோம் நாங்க ready பட்டியலுடன்,நீங்க ready யா?

— Dr Tamilisai Soundararajan (@DrTamilisaiBJP) September 15, 2018

ஊழல் பங்காளிகள்

தீராத மின்வெட்டு ,காவிரி ,மீனவர் இலங்கைத் தமிழர் பிரச்சனைகள் ,காங்கிரசின் ஊழல் பங்காளிகள் எய்ம்ஸ்? ஆனால் கடந்த 4 ஆண்டுகளில் தமிழகத்துக்கு கொண்டு வந்த திட்டங்களை பட்டியலிட நாங்கள் தயார்.

நீங்கள் ரெடியா?

10 ஆண்டுகளில் தி.மு.க.- காங்கிரஸ் கூட்டணி ஆட்சியில் கொண்டு வந்த பெரிய திட்டங்கள் பற்றி நீங்கள் பட்டியலிட்டால் ஒன்றுமில்லை என்று அறிவீர்கள். எங்களிடம் கேளுங்கள் பதில் சொல்ல பட்டியலுடன் தயாராக இருக்கிறோம். நாங்கள் ரெடி. நீங்கள் ரெடியா''.

இவ்வாறு தமிழிசை பகிரங்கமாக சவால் விடுத்துள்ளார்.

English summary

BJP State President Thamizhisai Soundararajan slams MK Stalin