Breaking News Live: மாணவிகளை உல்லாசமாக இருக்க அழைத்த விடுதி உரிமையாளர் மர்ம மரணம்

மாணவிகளை உல்லாசமாக இருக்க அழைத்த விடுதி உரிமையாளர் ஜெகந்நாதன் மர்ம மரணம் அடைந்துள்ளார்.

கோவை: மாணவிகளை உல்லாசமாக இருக்க அழைத்ததாக தொடரப்பட்ட வழக்கில் தேடப்பட்டு வந்த கோவை விடுதி உரிமையாளர் ஜெகந்நாதன் திடீர் மரணம் அடைந்துள்ளார். இவரது மரணம் கொலையா அல்லது தற்கொலையா என போலீஸார் விசாரணை நடத்தி வருகின்றனர்.

கோவை பீளமேடு பாலரங்கநாதபுரத்தில் மகளிர் விடுதி ஒன்று உள்ளது. இங்கு கல்லூரி மாணவிகள், வேலை செய்யும் இளம் பெண்கள் என 200-க்கும் மேற்பட்டோர் தங்கியுள்ளனர்.

இவர்களை விடுதி உரிமையாளர் ஜெகந்நாதனும், விடுதி காப்பாளர் புனிதாவும் பாலியல் தொழிலுக்கு அழைத்ததாக மாணவிகள் புகார் அளித்தனர். இதன் பேரில் தலைமறைவாக உள்ள இருவரையும் போலீஸார் தனிப்படை அமைத்து தேடி வருகின்றனர்.

இந்த நிலையில் ஆலங்குளத்தில் உள்ள ஒரு கிணற்றில் ஜெகந்நாதன் சடலமாக மீட்கப்பட்டார். அவமானம் தாங்காமல் தற்கொலை செய்து கொண்டாரா இல்லை இவருக்கு பின்னால் இயங்கும் முக்கிய புள்ளிகள் யாரேனும் பாதுகாப்புக்காக இவரை கொலை செய்துவிட்டு கிணற்றில் வீசிவிட்டனரா என்று போலீஸார் விசாரிக்கின்றனர்.

English summary

Coimbatore Hostel Owner Jagannathan found death in Alankulam well. He invites his hostel students for sharing bed with him.