பிப்ரவரி 22 முதல் வேட்பாளர் நேர்காணல் - திமுக தலைமைக் கழகம் அறிவிப்பு !
சென்னை: வருகிற சட்டமன்ற தேர்தலில் போட்டியிடும் வேட்பாளர்களை தேர்வு செய்வதற்கான நேர்காணல் வருகிற 22 ஆம் தேதி முதல் அண்ணா அறிவாலயத்தில் நடைபெறும் என்று திராவிட முன்னேற்றக் கழகம் அறிவித்துள்ளது.
இது தொடர்பாக அக் கட்சியின் பொதுச் செயலாளர் க.அன்பழகன் வெளியிட்ட அறிக்கை:
தமிழ்நாடு சட்டப் பேரவை பொதுத் தேர்தலுக்கு போட்டியிட விரும்பி தலைமைக் கழகத்தில் விண்ணப்பண் தந்துள்ளவர்களை தலைவர் கலைஞர் அவர்கள் 22.2.2016 திங்கள்கிழமை காலை 9 மணி முதல் பின்வரும் மாவட்ட வாரியாக சென்னை, அண்ணா அறிவாலயத்தில் உள்ள கழக அலுவலகத்தில் நேர்காணல் வாயிலாக சந்தித்து கொகுதி நிலவரம் - வெற்றி வாய்ப்புகள் குறித்து அறிந்திட இருக்கிறார்கள்.
குறிப்பிட்டுள்ள தேதிகளில், குறிப்பிடப்பட்டுள்ள மாவட்டத்தைச் சேர்ந்த மாவட்டக் கழகச் செயலாளர் மட்டும் வரவேண்டும். மாவட்டக் கழக நிர்வாகிகள் மற்றும் ஒன்றிய, நகர, பகுதிச் செயலாளர்கள் வரவேண்டிய அவசியமில்லை வேட்பாளர்கள் தங்களுக்கான ஆதரவாளர்களையோ - பரிந்துரையாளர்களையோ அழைத்து வரக்கூடாது என்றும், அவர்களையெல்லாம் நேர்காணலுக்கு கண்டிப்பாக அனுமதிக்க இயலாது என்றும் தெரிவிக்கப்படுகிறது.
மாவட்ட வாரியாக நேர்காணல் நடைபெறும் தேதி விவரம்:
பிப். 22 காலை 9: கன்னியாகுமரி, திருநெல்வேலி, தூத்துக்குடி, இராமநாதபுரம்
பிப். 22 மாலை 4: விருதுநகர், தேனி, திண்டுக்கல்
பிப். 23 காலை 9: சிவகங்கை, மதுரை புறநகர், மதுரை மாநகர், ஈரோடு
பிப். 23 மாலை 4: நீலகிரி, கோவை, கோவை மாநகர், சேலம், திருப்பூர்
பிப். 24 காலை 9: புதுக்கோட்டை, நாமக்கல், திருச்சி
பிப். 24 மாலை 4: கரூர், பெரம்பலூர், அரியலூர்
பிப். 25 காலை 9: நாகை, திருவாரூர், தஞ்சை, கடலூர்
பிப். 25 மாலை 4: விழுப்புரம், கிருஷ்ணகிரி, தருமபுரி
பிப். 26 காலை 9: திருவண்ணாமலை, வேலூர், காஞ்சிபுரம்
பிப். 26 மாலை 4: திருவள்ளூர், சென்னை
பிப். 27 காலை 9: புதுவை, காரைக்கால்
இவ்வாறு அந்த அறிக்கையில் தெரிவிக்கப்பட்டுள்ளது.
Click it and Unblock the Notifications
Sign in with Google