சீக்கிரம் அவர் குணமடைந்து வர வேண்டும்.. கருணாநிதி வீட்டிலிருந்து தமிழிசை பேட்டி
திமுக தலைவர் கருணாநிதி விரைவில் பூரண குணமடைய வேண்டும் என்று தமிழக பாஜக தலைவர் தமிழிசை சௌந்தரராஜன் பேட்டியளித்துள்ளார்.
Recommended Video
சென்னை: திமுக தலைவர் கருணாநிதி விரைவில் பூரண குணமடைய வேண்டும் என்று தமிழக பாஜக தலைவர் தமிழிசை சௌந்தரராஜன் பேட்டியளித்துள்ளார்.
திமுக தலைவர் கருணாநிதிக்கு தற்போது காய்ச்சல் ஏற்பட்டுள்ளது. கடந்த 3 நாட்களாக அவரது உடல் சரியான நிலையில் இல்லை. அவருக்கு சிறுநீரக பாதையில் தொற்று ஏற்பட்டு இருக்கிறது.
தற்போது அவர் இப்போது வீட்டில் இருந்த படியே சிகிச்சை பெற்று வருகிறார். இந்த நிலையில் அவரது உடல்நிலை குறித்து விசாரிக்க தமிழக பாஜக தலைவர் தமிழிசை சௌந்தரராஜன் கோபாலபுரம் இல்லத்திற்கு சென்றார். அதன்பின் செய்தியாளர்களுக்கு பேட்டியளித்தார்.
அதில், திமுக தலைவர் கருணாநிதி பூரண குணமடைய வேண்டும். அவருக்காக இறைவனை பிரார்த்திக்கிறேன். அவர் முழு குணமடைந்து மீண்டும் திரும்ப வேண்டும்.
அவர் என் குடும்பத்திற்கு மிகவும் நெருக்கமானவர். என்னுடைய திருமணத்தை அவர்தான் நடத்தி வைத்தார். என் குடும்ப உறுப்பினர்களுடன் அவர் மிகவும் நெருக்கமாக பழகி இருக்கிறார்.
அவர் தமிழகத்தில் மிக முக்கியமான மூத்த அரசியல் தலைவர். பிரதமர் மோடி அவரது உடல்நிலை குறித்து போன் செய்து விசாரித்தார், என்று குறிப்பிட்டு இருக்கிறார்.