கருணாநிதி குறித்து அநாகரிக டிவிட்.. திமுகவினர் போராட்டம்.. எச் ராஜா கொடும்பாவி எரிப்பு!

கருணாநிதி குறித்து அநாகரிக டிவிட் போட்ட எச் ராஜாவை கண்டித்து திமுகவினர் போராட்டத்தில் ஈடுபட்டனர்.

சென்னை: கருணாநிதி குறித்து அநாகரிக டிவிட் போட்ட எச் ராஜாவை கண்டித்து திமுகவினர் போராட்டத்தில் ஈடுபட்டனர்.

திமுக தலைவர் கருணாநிதி அவரது துணைவியார் ராஜாத்தியம்மாள் மற்றும் மகள் கனிமொழி ஆகியோரை இழிவுபடுத்தும் வகையில் பாஜக தேசிய செயலாளர் எச் ராஜா டிவிட்டரில் கருத்து ஒன்றை பதிவிட்டிருந்தார்.

எச் ராஜாவின் இந்த டிவிட் திமுகவினரிடையே கொந்தளிப்பை ஏற்படுத்தியுள்ளது. இந்நிலையில் எச் ராஜாவை கண்டித்து திமுக மகளிரணியினர் சென்னை அண்ணாசாலையில் போராட்டத்தில் ஈடுபட்டனர்.

அப்போது எச் ராஜாவின் கொடும்பாவியை எரித்தும் அவரது படத்தை காலணியால் அடித்தும் எதிர்ப்பு தெரிவித்தனர். இதேபோல் சென்னை தாம்பரத்தில் திமுகவினர் ஆர்ப்பாட்டத்தில் ஈடுபட்டனர்.

அப்போது எச் ராஜாவின் கொடும்பாவியை அவர்கள் எரிக்க முயன்றனர். இதனை காவல்துறையினர் தடுக்க முயன்றதால் இருதரப்புக்கும் இடையே தள்ளுமுள்ளு ஏற்பட்டது.

English summary

DMK workers protest against H Raja for his tweet about DMK leader Karunanidhi.