தமிழகத்துக்கு காவிரி நீர் வருமா? கர்நாடகாவுக்கு நன்றி செலுத்த மீண்டும் முதுகில் குத்துமா பாஜக?

சென்னை: கர்நாடகா சட்டசபை தேர்தலில் பாஜக அமோகமாக வென்று ஆட்சியைப் பிடித்துவிட்டது. கர்நாடகாவில் ஆட்சியை கைப்பற்றுவதற்காகவே காவிரி பிரச்சனையில் தமிழகத்தின் முதுகில் குத்திய பாஜக இனி என்ன செய்யும் என்பது உள்ளிட்ட ஏராளமான கேள்விகள் எழுகின்றன.

• காவிரி நடுவர் மன்ற இறுதித் தீர்ப்பு வழக்கில் மேலாண்மை வாரியம் அமைக்க மத்திய அரசுக்கு 6 வார கெடு விதித்தது உச்சநீதிமன்றம். ஆனால் கர்நாடகா தேர்தலுக்காக இதைப்பற்றி கிஞ்சித்தும் மத்திய பாஜக அரசு கவலைப்படவில்லை.

• 6 வார காலத்துக்கு பின்னர் ஸ்கீம் என்றால் என்ன? என கேட்டது மத்திய பாஜக அரசு. அதனைத் தொடர்ந்து கூடுதல் கால அவகாசம் கேட்டது. இப்படியே கர்நாடகா சட்டசபை தேர்தல் நடைபெறும் வரை காலங்கடத்தியது பாஜக.

• இந்த நிலையில்தான் நேற்று உச்சநீதிமன்றத்தில் தெளிவில்லாத ஒரு வரைவு திட்டத்தை மத்திய பாஜக அரசு தாக்கல் செய்தது. தற்போது பாஜக எதிர்பார்த்தபடியே கர்நாடகாவில் அறுவடை செய்துவிட்டது. இப்போது காவிரி பிரச்சனை என்னவாகும் என்பதில் பல கேள்விகள் எழுகின்றன.
• தமிழக பாஜக தலைவர்கள் கூறியது போல கர்நாடகாவில் பாஜக ஆட்சி அமைந்துவிட்ட நிலையில் காவிரி நீர் வருமா?

• காவிரி நீரை திறந்துவிட்டாலும் தமிழகத்தில் போணியாகப் போவதில்லை என துரோகம் செய்யுமா?

• அரியாசனம் தந்த கன்னடர்களுக்கு மட்டுமே விசுவாசமாக இருக்கப் போகிறோம் என்கிற முடிவை எடுக்கப் போகிறதா பாஜக?

• என்ன நடந்தாலும் காவிரி நீரை திறந்துவிட்டு தமிழகத்திலும் கால் பதித்துவிடலாம் என முடிவெடுக்கப் போகிறதா பாஜக?

• மிகப் பெரிய வெற்றியை தந்த கர்நாடகாவுக்கு பாதகம் தரக் கூடிய வகையிலான ஒரு முடிவை பாஜக எடுக்குமா?

• கர்நாடகத்துக்கு பாதகம் தராத வகையில் அவசரம் அவசரமாக பல் இல்லாத காவிரி அமைப்பை ஒன்றை உருவாக்குமா?

• பல் இல்லாத காவிரி அமைப்பு ஒன்றை உருவாக்கினால் தமிழகத்துக்கான காவிரி நீர் முறையாக வருமா?

• திருவள்ளுவர் சிலையை திறந்து தமிழகத்துடன் நல்லுறவு பாராட்டிய எடியூரப்பா காவிரி நீரை திறந்துவிட்டு அதே போக்கை கடைபிடிப்பாரா?

என ஏராளமான கேள்விகள் எழுகின்றன.

English summary

After the BJP Victory in the Karnataka Assembly Elections, now many questions are raising in Cauvery Water disupute.