ஜெ. சிகிச்சை வீடியோ வெளியீடு- வெற்றிவேலின் கீழ்த்தரமான செயல்: இளவரசி மகள் கிருஷ்ணப்பிரியா கண்டனம்

ஜெயலலிதா வீடியோவை வெளியிட்டதற்கு இளவரசி மகள் கிருஷ்ணப்பிரியா கண்டனம் தெரிவித்துள்ளார்.

சென்னை: ஜெயலலிதா சிகிச்சை தொடர்பான வீடியோ வெளியிட்டுள்ளது வெற்றிவேலின் கீழ்த்தரமான செயல் என்று இளவரசி மகள் கிருஷ்ணப்பிரியா கண்டனம் தெரிவித்துள்ளார்.

ஜெயலலிதா கடந்த ஆண்டு செப்டம்பர் மாதம் 22-ஆம் தேதி உடல்நலம் பாதிப்பு தொடர்பாக அப்பல்லோ மருத்துவமனையில் அனுமதிக்கப்பட்டு அந்த ஆண்டே டிசம்பர் 5-ஆம் தேதி மரணமடைந்தார்.

இவரது மரணத்தில் மர்மம் இருப்பதாக தமிழக அரசு சார்பில் விசாரணை கமிஷன் அமைக்கப்பட்டு விசாரணை நடைபெற்று வருகிறது. அவரது தொகுதியான ஆர்கே நகருக்கு நாளை இடைதேர்தல் நடைபெறவுள்ளது.

இந்நிலையில் ஜெயலலிதா அப்பல்லோவில் சிகிச்சை பெறும் வீடியோ தொடர்பாக முதல்முறையாக டிடிவி தினகரன் ஆதரவாளர் வெற்றிவேல் இன்று வெளியிட்டார். மிகவும் பரபரப்பை ஏற்படுத்திய இந்த வீடியோவை அவர் தேர்தல் நேரத்தில் வெளியிட்டதால் அவர் மீது வழக்கு பதிவு செய்ய உத்தரவிடப்பட்டுள்ளது.

இந்நிலையில் வெற்றிவேலின் இந்த செயல் கீழ்த்தரமானது என்று இளவரசி மகள் கிருஷ்ணப்பிரியா கண்டனம் தெரிவித்துள்ளார். இதுகுறித்து தனது பேஸ்புக் பக்கத்தில் அவர் கூறுகையில் TTV (? ) உடனிருக்கும் வெற்றிவேலின் கீழ்த்தரமான செயல் என்று குறிப்பிட்டுள்ளார்.

English summary

Ilavarasi's daughter Krishnapriya condemns Vetrivel for releasing Jayalalitha's video. She posted condemn in her facebook.