பிரதமர் மோடியின் தமிழக நிகழ்ச்சிகள் என்ன? எப்போது? முழு விவரம்

சென்னை: பிரதமர் நரேந்திர மோடி இன்று சென்னைக்கு வந்து மானிய விலையில் ஸ்கூட்டர் வழங்கும் தமிழக அரசு திட்டத்தை துவக்கி வைக்கிறார். நாளை அவர் புதுச்சேரியில் பல்வேறு நிகழ்ச்சிகளில் பங்கேற்கிறார்.

பிரதமர் மோடியின் வருகை மற்றும் புறப்பாடு குறித்த முழு கால அட்டவணை:

மோடி இன்று மாலை 3.20 மணியளவில் டெல்லியில் இருந்து சென்னைக்கு தனி விமானத்தில் புறப்படுகிறார்.

சென்னை விமான நிலையத்துக்கு மாலை 5.30 மணிக்கு மோடி வருகிறார்.

சென்னை விமான நிலையத்தில் பிரதமரை ஆளுநர் பன்வாரிலால் புரோஹித், முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் உள்ளிட்டோர் வரவேற்கின்றனர்.

விமான நிலையத்திலிருந்து, ஹெலிகாப்டர் மூலம் காமராஜர் சாலையில் உள்ள ஐ.என்.எஸ். ஹெலிகாப்டர் தளத்துக்கு மோடி
செல்கிறார்.

இதன்பிறகு கார் மூலம் கலைவாணர் அரங்கத்துக்கு செல்கிறார்.

கலைவாணர் அரங்கில் நடைபெறும் விழாவில் மானிய விலை ஸ்கூட்டர் திட்டத்தைத் தொடங்கி வைக்கிறார்.

விழா நிறைவடைந்ததும் இரவு 7 மணிக்கு, கிண்டியில் உள்ள ஆளுநர் மாளிகைக்கு மோடி செல்கிறார். இரவு அங்கேயே தங்குகிறார் பிரதமர் நரேந்திர மோடி. இவைதான் தமிழகத்தில் இன்று மோடியின் நிகழ்ச்சி நிரல்.

நாளை மோடியின் நிகழ்ச்சிகள் புதுச்சேரியில் நடைபெற உள்ளன.

நாளை காலை 10 மணியளவில் காரில் புறப்பட்டு, சென்னை விமான நிலையத்துக்குச் செல்கிறார்.

தனி விமானத்தில் புதுச்சேரி செல்கிறார்.

அரவிந்தர் ஆசிரமத்தில் நடைபெறும் வழிபாடு நிகழ்ச்சியில் பங்கேற்கிறார்.

ஆரோவில் பொன் விழாவை துவக்கி வைக்கிறார். பின்னர், பாஜக சார்பில் நடைபெறும் பொதுக்கூட்டத்தில் மோடி பங்கேற்றுப் பேசுகிறார்.

கூட்டத்தை முடித்துக் கொண்டு சென்னை விமான நிலையத்துக்கு வரும் அவர், தனி விமானம் மூலம் சூரத்துக்குச் செல்கிறார்.

English summary

Prime Minister Narendra Modi will on Saturday travel to Chennai to launch a state government scheme that will give women a Rs 25,000 crore subsidy to women to buy scooters.