கோபாலபுரம்: கருணாநிதி வீடு வழியாக வாகனங்கள் செல்ல தடை!
சென்னை: கருணாநிதியின் வீடு அமைந்துள்ள கோபாலபுரம் வழியாக வாகனங்கள் செல்ல தடை விதிக்கப்பட்டுள்ளது.
கருணாநிதியின் உடல்நிலை மிகவும் கவலைக்கிடமாக உள்ளதாக காவேரி மருத்துவமனை சற்று நேரத்திற்கு முன்பு அறிக்கை வெளியிட்டது. காவேரி மருத்துவமனை வெளியிட்ட இந்த அறிக்கை ஒட்டு மொத்த திமுக தொண்டர்கள் இதயத்திலும் ஈட்டியை பாய்ச்சியது.
இதைத்தொடர்ந்து சென்னை உட்பட மாநிலம் முழுவதும் போலீசார் உடனடியாக பாதுகாப்பு பணியில் ஈடுபட தமிழக டிஜிபி அறிவுறுத்தியுள்ளார்.
மேலும் சென்னை முழுக்க போலீசாரின் பாதுகாப்பு வளையத்தில் கொண்டு வரப்பட்டுள்ளது. திமுக தலைவர் கருணாநிதியின் வீடு அமைந்துள்ள கோபாலபுரம் பகுதியிலும் போலீசார் பாதுகாப்பு பணியில் ஈடுபட்டுள்ளனர்.
இந்நிலையில் கோபாலபுரத்தில் தொண்டர்கள் அதிகளவில் குவிந்து வருகின்றனர். இதனால் கருணாநிதி வீடு வழியாக வாகனப் போக்குவரத்துக்கு போலீஸ் தடைவிதித்துள்ளது.
கோபாலபுரம் 4வது தெருவில் போக்குவரத்து நிறுத்தப்பட்டுள்ளது. பெருமளவில் போலீஸார் பாதுகாப்புக்காக கோபாலபுரத்தில் குவிக்கப்பட்டுள்ளனர்.
இதனிடையே கோபாலபுரம் இல்லத்தில் கலைஞர் டிவி கேமராக்களை மேடை அமைத்து செட் செய்யும் பணியை தொடங்கியுள்ளனர்.
Click it and Unblock the Notifications
Sign in with Google