Just In

கருணாநிதி உடலுக்கு காங்கிரஸ் தலைவர் ராகுல் காந்தி அஞ்சலி!

கருணாநிதியின் இறுதிச் சடங்குகளில் காங்கிரஸ் தலைவர் ராகுல் பங்கேற்கிறார்.

Updated: Wednesday, August 8, 2018, 14:31 [IST]

சென்னை: மறைந்த திமுக தலைவர் கருணாநிதிக்கு காங்கிரஸ் தலைவர் ராகுல் காந்தி அஞ்சலி செலுத்தினார். அவருடைய கட்சியின் மூத்த தலைவர் முகுல் வாஸ்னிக், தமிழகத் தலைவர் திருநாவுக்கரசர் ஆகியோரும் அஞ்சலி செலுத்தினர்.

உடல்நலக் குறைவால் நேற்று உயிரிழந்த திமுக தலைவர் கருணாநிதியின் உடல் தற்போது ராஜாஜி ஹாலில் வைக்கப்பட்டுள்ளது. மாலை 4.30 மணியளவில் அவருடைய உடல் ஊர்வலமாக எடுத்துச் செல்லப்படுகிறது. பின்னர் மெரினாவில் அண்ணா சமாதி அருகே அவருடைய உடலடக்கம் செய்யப்படுகிறது.

Rahul gandhi in chennai to pay homage to karunanidhi

கருணாநிதி மருத்துவமனையில் இருந்தபோது, காங்கிரஸ் தலைவர் ராகுல் காந்தி நேரில் சந்தித்து உடல் நலம் விசாரித்தார்.

கருணாநிதியின் மறைவு குறித்த செய்தி வெளியானதும், தனது இரங்கலையும் ராகுல் தெரிவித்தார். இந்த நிலையில், கருணாநிதியின் உடலுக்கு அஞ்சலி செலுத்துவதற்காக அவர் சென்னை வந்துள்ளார்.

நேராக ராஜாஜி ஹாலுக்கு வந்த ராகுல் காந்தி, கருணாநிதியின் உடலுக்கு மலர் வளையம் வைத்து அஞ்சலி செலுத்தினார். அவருடன் கட்சியின் மூத்த தலைவர் முகுல் வாஸ்னிக், தமிழகத் தலைவர் திருநாவுக்கரசர் ஆகியோரும் அஞ்சலி செலுத்தினர்.