ஆர்கே நகர் மக்களுக்கு பிடித்தமான சமூக அக்கறையுள்ள நடிகர் 'விஜய்'... சர்வே முடிவு!
சமூக அக்கறையுள்ள நடிகர்களில் விஜய்க்கு ஆர்கே நகர் தொகுதி மக்கள் அதிக வாக்குகள் அளித்துள்ளனர். பேராசிரியர் ராஜநாயகம் குழுவினரின் மக்கள் ஆய்வில் இது தெரிய வந்துள்ளது.
சென்னை : ஆர்கே நகர் தேர்தல் குறித்து பேராசிரியர் ராஜநாயகம் மற்றும் அவரின் குழுவினர் இணைந்து நடத்திய மக்கள் ஆய்வு முடிவில் சமூக அக்கறையுள்ள நடிகர்கள் வரிசையில் விஜய் முதல் இடம் பிடித்துள்ளார்.
சென்னை ராதாகருஷ்ணன் நகர் இடைத் தேர்தலையொட்டி பேராசிரியர் ராஜநாயகம் மற்றும் அவரின் குழுவினர் இணைந்து தேர்தல் கள நிலவரம் குறித்த மக்களிடம் கருத்துக்கணிப்பு நடத்தியுள்ளனர். எந்த அரசியல் கட்சிக்கு மக்களின் ஆதரவு, மக்களிடத்தில் செல்வாக்கு பெற்ற வாக்காளர் யார் என்று கள ஆய்வு நடத்தப்பட்டுள்ளது.
மக்கள் கள ஆய்வு சார்பாக நடத்தப்பட்ட சர்வே முடிவுகளை பேராசிரியர் ராஜநாயகம் இன்று வெளியிட்டுள்ளார். இதில் இன்றைய அரசியல் சூழலில் எந்த கட்சி வேட்பாளருக்கு மக்களின் ஆதரவு என்ற முடிவு அனைவருக்குமே ஆச்சரியத்தை அளிக்கும் வகையில் உள்ளது.
ஆளும் கட்சியான அதிமுகவின் வேட்பாளர் மதுசூதனனுக்கு இந்த கருத்துக்கணிப்பு முடிவில் மூன்றாவது இடம் தான் கிடைத்துள்ளது. எதிர்க்கட்சியான திமுக வேட்பாளர் மருதுகணேஷிற்கு இரண்டாவது இடம் கிடைத்துள்ளது. எந்த கட்சியும் சாராமல் தனித்து போட்டியிடும் தினகரனுக்குத் தான் மக்களின் அதிக ஆதரவு இருப்பதாக கருத்துக்கணிப்பு முடிவுகள் சொல்கின்றன.
அரசியல் நட்சத்திரங்கள்
தமிழக அரசியல் களத்தில் அண்மைக்காலமாக கிளப்பப்படும் பரபரப்பு நடிகர்களின் அரசியல் பிரவேசம். 20 ஆண்டுகளுக்கும் மேல் அரசியலுக்கு வருவதை சஸ்பென்ஸாகவே வைத்திருக்கும் நடிகர் ரஜினி, விரைவில் அரசியல் கட்சி தொடங்கப்போவதாக அறிவித்த நடிகர் கமல் என ஸ்டார்களின் அரசியல் வரவு எப்போது என்பது தொடர் பரபரப்பாக இருந்து வருகிறது.
விஜய்க்கு வந்த மெர்சல் பிரச்னை
இதற்கிடையில் திடீரென சுயேச்சை வேட்பாளராக இடைத்தேர்தல் களத்தில் குதித்து விஷால் ஒரு பக்கம் அரசியல் பொறி பறக்க விட்டார். மெர்சல் பட விவகாரத்தில் பாஜக கொடுத்த குடைச்சலின் போதே நடிகர் விஜய் அரசியலுக்கு வருவார் என்கிற தொணியில் பேசி வந்தார் அவருடைய தந்தை எஸ்.ஏ. சந்திரசேகர்.
எந்த நடிகருக்கு ஆதரவு
இந்நிலையில் ஆர்கே நகர் மக்களிடம் சமூக அக்கறையுள்ள நடிகர் யார் என்று கருத்துக்கணிப்பு நடத்தப்பட்டுள்ளது. அதில் தனக்கு பிடித்த சமூக அக்கறையுள்ள நடிகர்கள் யார் என்று நடிகர் விஜய், விஷால், ரஜினி, கமல், அஜித் என்று மக்களிடம் வாக்கு கேட்கப்பட்டுள்ளது.
விஜய் சமூக அக்கறையுள்ளவர்
இதில் நடிகர் விஜய்க்கு சமூக அக்கறையுள்ளதாக 18.7 சதவீதம் மக்கள் வாக்களித்துள்ளனர். விஜய்க்கு அடுத்தபடியாக விஷால் 14.2 சதவீத வாக்குகள் பெற்று இரண்டாம் இடத்தில் உள்ளார். அரசியல் அரங்கில் பெரும் எதிர்பார்ப்பை ஏற்படுத்தும் நடிகர் ரஜினிக்கு இந்த வரிசையில் மூன்றாவது இடம் கிடைத்துள்ளது. ரஜினிக்கு சமூக அக்கறை இருக்கிறது என்று 9.8 சதவீதம் பேர் வாக்களித்துள்ளனர்.
கமலுக்கு 8.5% பேர் மட்டுமே ஆதரவு
இதே போன்று நடிகர் கமலுக்கு எந்த அளவிற்கு சமூக அக்கறை இருக்கிறது என்று கேட்டதற்கு அவருக்கு ஆதரவாக 8.5 சதவீதம் மக்கள் வாக்களித்துள்ளனர். நடிகர் அஜித்திற்கு இந்த வரிசையில் கடைசி இடம் தான் கிடைத்துள்ளது. அவருக்கு ஆதரவாக 6.3 சதவீதம் மக்கள் வாக்களித்துள்ளனர்.
Click it and Unblock the Notifications
Sign in with Google