போ மோனே மோடி தொடங்கி கோ பேக் மோடி வரை.. பாஜகவிற்கு சிம்ம சொப்பனமாகும் தென்னிந்தியா!

Posted By:
Subscribe to Oneindia Tamil
    பாஜகவிற்கு சிம்மசொப்பனமாக இருக்கும் தென்னிந்தியா

    சென்னை: தமிழர்கள் இப்போது மோடிக்கு எதிராக சமூக வலைத்தளங்களில் போராடுவது போலவே கேரளா மக்களும் சென்ற வருடம் போராடினார்கள். அதேபோல் கர்நாடக மக்களும் இப்படி போராடி இருக்கிறார்கள்.

    சென்னையில் நடக்கும் ''டிஃபேஎக்ஸ்போ 2018'' எனப்படும் ராணுவ மற்றும் தொழில்நுட்ப கருத்தரங்கில் கலந்து கொள்ள பிரதமர் மோடி இன்று சென்னை வந்தார். இந்த நிலையில் பிரதமர் மோடிக்கு எதிராக ஹேஷ்டேக் உருவாக்கப்பட்டுள்ளது.

    பிரதமர் மோடி சென்னை வருவதற்கு எதிர்ப்பு தெரிவித்த ''கோ பேக் மோடி'' (#gobackmodi)என்ற ஹேஷ்டேக் உலக அளவில் டிரெண்டிங்கில் முதல் இடம்பிடித்துள்ளது. இதில் காலையில் இருந்து டிவிட் செய்யப்பட்டு வருகிறது.

    வெகு நேரம்

    இந்த ''கோ பேக் மோடி'' இன்னும் வைரலாகத்தான் இருக்கிறது. உலக அளவில் தொடர்ந்து 3 மணி நேரத்திற்கும் மேலாக இந்த டேக் நம்பர் ஒன் இடத்தில் உள்ளது. உலகில் எந்த விஷயமும் இப்படி இவ்வளவு நேரம் விவாதிக்கப்பட்டது இல்லை என்பது குறிப்பிடத்தக்கது.

    கேரளாவிலும்

    இதேபோல் கடந்த வருடம் கேரளாவில் மோடிக்கு எதிராக ஹேஷ்டேக் உருவாக்கப்பட்டது. சிறப்பு என்னவென்றால் அதுவும் உலக அளவில் இடம்பிடித்தது. அவர்கள் உருவாக்கிய ''போ மோனே மோடி'' (#PoMoneModi) என்ற ஹேஷ்டேக்கில், மோடி குறித்தும் பாஜக குறித்தும் எழுதினார்கள். கேரளாவை சோமாலியாவுடன் ஒப்பிட்டதற்கும், ஓணம் பண்டிகையை வாமன ஜெயந்தி என்று கூறியதற்கு எதிர்ப்பு தெரிவித்தார்கள்.

    கர்நாடகா மட்டும்

    அதே சமயம் கர்நாடகாவிலும் இதேபோல் ஹேஷ்டேக் உருவாக்கப்பட்டு மோடிக்கு எதிர்ப்பு தெரிவித்து இருக்கிறார்கள். உலக அளவில் டிரெண்ட் ஆகவில்லை என்றாலும் , அவர்கள் உருவாக்கிய ஹேஷ்டேக், இந்திய அளவில் நீண்ட நேரம் வைரலாக இருந்தது. ''பரியோலு மோடி'' (#bariolumodi) என்று இவர்களும், மோடி பொய் சொல்வதாக சொல்லி டிவிட் செய்தார்கள். கர்நாடகாவில் வேலைவாய்ப்பு பற்றிய விவாதம் பிரச்சனை ஆன போது இந்த டேக் வைரலானது.

    இரண்டு மாநிலம்

    இந்த நிலையில் தென்னிந்தியாவில் உள்ள மூன்று மாநிலங்கள் மோடியை மொத்தமாக புறக்கணித்துள்ளது. ஆனால் இன்னும் தெலுங்கானா, ஆந்திரா இது பற்றி பேசவில்லை. ஆனால் அவர்களும் சிறப்பு அந்தஸ்து, நிதி ஒதுக்குதல் என நிறைய விஷயங்களில் கோபமாக இருப்பதால், விரைவில் தெலுங்கு மொழியில் இப்படி ஒரு டேக் உருவாகும் என்று எதிர்பார்க்கப்படுகிறது.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

    English summary
    Go back Modi hashtag becomes viral on social media amidst Modi visit to Tamilnadu. He is visiting Tamilnadu for Defence expo.North Indians also tweeting in Go back Modi hashtag. Last year Kerala People tweeted in PoMoneModi hashtag.

    நாள் முழுவதும் oneindia
    செய்திகளை உடனுக்குடன் பெற