கருணாநிதி உடல்நிலை பற்றி வதந்தி பரப்பி தேவையற்ற குழப்பம் ஏற்படுத்துகிறார்கள்: துரைமுருகன் பேட்டி

சென்னை: திமுக தலைவர், கருணாநிதி உடல்நிலை பற்றி தேவையற்ற குழப்பத்தை உருவாக்கி வருகிறார்கள் என்றும், கருணாநிதி நன்றாக இருக்கிறார் என்றும் திமுக முதன்மைச் செயலாளர் துரைமுருகன் தெரிவித்துள்ளார்.

இதுகுறித்து துரைமுருகன் இன்று இரவு நிருபர்களிடம் கூறுகையில், கருணாநிதி விரைவில் பூரண குணம் அடைவர் என்று நம்புகிறேன். கருணாநிதி உடல்நிலை பற்றி வதந்தி பரப்பி தேவையற்ற குழப்பத்தை உருவாக்கி வருகிறார்கள். நான் இவ்வளவு சிரித்து பேசும்போதே (முகத்தில் சிரிப்புடன்) தெரியவில்லையா? நேற்றைவிட இன்று கருணாநிதியின் உடல் நிலையில் முன்னேற்றம் ஏற்பட்டுள்ளது. இவ்வாறு துரைமுருகன் தெரிவித்தார்.

திமுக செயல் தலைவர் ஸ்டாலின் முன்னதாக வெளியிட்ட அறிக்கையில், கருணாநிதி உடல்நிலை தொடர்பாக வெளியாகும் வதந்திகளை நம்ப வேண்டாம். அவரது உடல்நிலையில் முன்னேற்றம் ஏற்பட்டுள்ளது. அவர் விரைவில் குணமடைவார் என்ற நம்பிக்கை உள்ளது, என்று கூறியிருந்தார்.

English summary

Duraimurugan said that somebody creating unnecessary confusion about the health of the DMK leader Karunanidhi.