சூப்பர்.. விஜய் மக்கள் இயக்கப் பெயரை சுட்டு நடுவில் "நல"வை சொருகி புது இயக்கம் கண்ட விஷால்!

சென்னை: விஜய் இயக்கத்தில் இருந்து பெயர் மற்றும் லோகோவை சுட்டு திடீரென கட்சி தொடங்கினார் விஷால்.

நடிகர் விஷால் மக்கள் நல இயக்கம் என்ற ஒரு அமைப்பை இன்று திடீரென தொடங்கினார். அவர் தனது கட்சி லோகோவில் விவேகம், வித்தியாசம், விடாமுயற்சி என்ற வார்த்தைகளை பயன்படுத்தியுள்ளார்.

இதைத் தொடர்ந்து அவர் அணி சேர்வோம், அன்பை விதைப்போம் என்பதை தாரக மந்திரம் என்றும் கூறியுள்ளார். திருப்பரங்குன்றம் இடைத் தேர்தலிலும் போட்டியிடுவார் என்றும் அறிவித்துள்ளார்.

இது எல்லாம் சரி. ஆனால் அவர் "உருவாக்கிய" கட்சியின் லோகோ விஜய் மக்கள் இயக்கத்தில் இருந்து சுட்டது. அவரது அமைப்பின் பெயரில் இருந்து விஜயை எடுத்து விட்டு நல என்ற வார்த்தை சேர்த்துள்ளார்.

அதுபோல் அமைப்பின் பெயர் பார்ப்பதற்கு மக்கள் நீதி மய்யத்தையும் நினைவுப்படுத்துகிறது. கமலும் விஷாலும் இணைந்து அரசியலுக்கு வருவர் என்று எதிர்பார்த்த வேளையில் கமலும் விஷாலும் தனித்தனியே இயக்கம் தொடங்கிவிட்டனர்.

விஜய் கட்சியின் பெயரையும் லோகோவையும் சுட்டதால் ரசிகர்கள் கடுங்கோபத்தில் உள்ளனர். 99% விஜய் அமைப்பின் பெயர்தான் விஷால் அமைப்பு என்றும் நடுவில் நல மட்டும் சேர்த்துள்ளார் என்றும் கூறி வருகின்றனர். . பெயர் வைக்கும் ஸ்டைலை கமலிடமிருந்து சுட்டுள்ளார்.

English summary

Vishal copies movement name and logo from Vijay Makkal Iyakkam.