அந்த Simplicity தான் புடிச்சதே..டி20 உலக கோப்பையை வென்ற வருண் சக்ரவர்த்தி! திருவண்ணாமலையில் கிரிவலம்

திருவண்ணாமலை: திருவண்ணாமலை அண்ணாமலையார் கோவிலில், டி20 உலகக் கோப்பையை வென்ற இந்திய அணியில் இடம்பெற்றிருந்த சுழற்பந்து வீச்சாளர் வருண் சக்ரவர்த்தி மற்றும் வாஷிங்டர் சுந்தர் ஆகியோர் கிரிவலம் வந்து சுவாமி தரிசனம் செய்தனர்.

பஞ்சபூத ஸ்தலங்களில் அக்னி ஸ்தலமாகவும் நினைத்தாலே முக்தி தரும் ஸ்தலமாகவும் விளங்கக் கூடிய திருவண்ணாமலை அண்ணாமலையார் கோவிலுக்கு கடந்த சில மாதங்களாகவே திரைப்பட நடிகர், நடிகைகள், இயக்குனர்கள்ப் தொழிலதிபர்கள் என பலர் வருகை தந்து அண்ணாமலையாரை தரிசித்து 14 கிலோ மீட்டர் தொலைவு கொண்ட கிரிவலப் பாதையில் கிரிவலம் மேற்கொண்டு வருகின்றனர்.

அந்த வகையில் இன்று டி20 உலகக் கோப்பையை வென்ற இந்திய அணியில் இடம்பெற்றிருந்த சுழற்பந்து வீச்சாளர் வருண் சக்ரவர்த்தி மற்றும் வாஷிங்டர் சுந்தர் ஆகியோர் கிரிவலம் வந்து அண்ணாமலையாரை தரிசனம் செய்தார்.

முன்னதாக சம்பந்த விநாயகரை வணங்கிய அவர் தொடர்ந்து அண்ணாமலையார் உடனாகிய உண்ணாமுலை அம்மனை தரிசனம் செய்தார். தொடர்ந்து வைகுந்த வாயிலிருந்து தீப மலையை தரிசித்த அவருக்கு கோவில் சார்பாக மாலை அணிவித்து பிரசாதம் வழங்கப்பட்டது

கோயிலுக்கு வந்திருந்த வருண் சக்ரவர்த்தி மற்றும் வாஷிங்டர் சுந்தருடன் ரசிகர்கள் புகைப்படம் மற்றும் செல்ஃபி எடுத்து மகிழ்ந்தனர்.

English summary

Indian cricketers Varun Chakravarthy and Washington Sundar perform girivalam and offer prayers at Tiruvannamalai Annamalaiyar Temple after T20 World Cup success.