1991-க்கு பிறகு காட்பாடியில் முதல்முறையாக தோற்ற துரைமுருகன்! 3வது இடத்தில் திமுகவின் ஜாம்பவான்
வேலூர்: 1991 ஆம் ஆண்டுக்கு பிறகு காட்பாடி தொகுதியில் போட்டியிட்ட துரைமுருகன் தவெக வேட்பாளரிடம் தோல்வி கண்டது மட்டுமல்லாமல் மூன்றாவது இடத்திற்கு தள்ளப்பட்டார். இதனால் அவரது ஆதரவாளர்கள் வேதனையில் உள்ளனர்.
திமுவின் மூத்த தலைவரும், பொதுச் செயலாளருமான துரைமுருகன், தனது கோட்டையாகக் கருதப்பட்ட காட்பாடியில் தோல்வியைத் தழுவியுள்ளார். மும்முனைப் போட்டியில் தவெக வெற்றி காட்பாடி தொகுதியில் 10-வது முறையாகப் போட்டியிட்ட துரைமுருகனுக்கு, தமிழக வெற்றிக் கழகத்தின் (தவெக) வேட்பாளர் சுதாகர் கடும் சவாலாக அமைந்தார்.
காட்பாடி தொகுதியில் 10 ஆவது முறையாக போட்டியிட்ட துரைமுருகன் 62225 வாக்குகளை பெற்று தவெக வேட்பாளரிடம் தோல்வியை கண்டார். தவெக வேட்பாளர் சுதாகர் 69,868 வாக்குகளையும் அதிமுக வேட்பாளர் ராமு 63,998 வாக்குகளையும் பெற்றனர்.
மூன்றாம் இடத்திற்கு தள்ளப்பட்ட ஜாம்பவான்: 1991-ஆம் ஆண்டுத் தேர்தலுக்குப் பிறகு, துரைமுருகன் தனது சொந்தத் தொகுதியில் தோல்வியைச் சந்திப்பது இதுவே முதல்முறை. அதுமட்டுமின்றி, இரண்டாம் இடத்தைக் கூடப் பிடிக்க முடியாமல் மூன்றாம் இடத்திற்கு தள்ளப்பட்டது அரசியல் வட்டாரத்தில் பெரும் அதிர்ச்சியை ஏற்படுத்தியுள்ளது.
தவெகவின் எழுச்சி: தனது முதல் தேர்தலிலேயே திமுகவின் மூத்த அமைச்சரை வீழ்த்தி, சுமார் 7,643 வாக்குகள் வித்தியாசத்தில் தவெக வேட்பாளர் சுதாகர் அபார வெற்றி பெற்றுள்ளார்.
அதிமுகவின் கடும் போட்டி: அதிமுக வேட்பாளர் ராமு 63,998 வாக்குகளைப் பெற்று இரண்டாம் இடத்தைப் பிடித்தார்.
காட்பாடியில் பல தசாப்தங்களாக நீடித்து வந்த துரைமுருகனின் ஆதிக்கம் தகர்க்கப்பட்டுள்ளது. தமிழக அரசியலில் ஏற்பட்டுள்ள இந்தத் தலைமுறை மாற்றம், தவெக-வின் வருகை பழைய அரசியல் கணக்குகளை மாற்றி அமைத்துள்ளதை உறுதிப்படுத்துகிறது.
Click it and Unblock the Notifications
Sign in with Google