Beans Paruppu Usili: பீன்ஸ் வாங்கினால் பருப்பு உசிலி செய்து பாருங்கள்! crunchy-ஆக இருக்கும்!

Beans Paruppu Usili Recipe: பீன்ஸ் வாங்கினால் பருப்பு உசிலி செய்து பாருங்கள். அப்பறம் வேற என்ன செய்யலாம்னு யோசிக்கவே மாட்டீங்கள். எப்படி செய்யுறதுனு பார்க்கலாமா?

காலை, மாலை, இரவு நேரங்களில் என்ன சமைப்பது என்பது ஒரு பெரிய யோசனையாக இருக்கும். ஏதோ விண்வெளிக்கு ராக்கெட் அனுப்பும் அளவுக்கு யோசித்து கொண்டிருக்கிறோம்.

அதிலும் ஒரு சில காய்கறிகளை வாங்கினால், இதை எப்படி செய்யலாம், என்ன மாதிரி செய்தால் குழந்தைகளுக்கும் வீட்டில் உள்ளவர்களுக்கும் பிடிக்கும் என்பது பெரும் கவலையாகவே இருக்கும்.

அதிலும் இந்த இங்கிலீஷ் காய்கறிகளான கேரட், பீன்ஸ், பீட்ரூட்டை வைத்து என்ன செய்யலாம் என யோசிப்பது. பீட்ரூட், கேரட்டை வைத்து பொரியல், அல்வா செய்யலாம். கேரட்டை குருமா குழம்பு, பிரிஞ்சி சாதத்தில் போடலாம்.

ஆனால் இந்த பீன்ஸ்! இதை பொரியல் செய்யலாம். சாம்பாரும் வைக்கலாம். ஆனால் அந்த அளவுக்கு ருசி இருக்காது. குருமா குழம்பு, பிரிஞ்சி சாதத்தில் போடலாம்.

பொரியல் என வரும் போது சிலர் பீன்ஸை உப்பு போட்டு வேக வைத்து தண்ணீரை வடித்து வைத்துக் கொள்வர். அதை வெங்காயம், காய்ந்த மிளகாய் போட்டு தாளித்து சாப்பிடுவார்கள்.

அது போல் பீன்ஸ், மிளகாய் தூள் உப்பு போட்டு வேக வைத்து, வெங்காயம், பூண்டு இடித்து போட்டு தாளிப்பவர்களும் உண்டு.

ஆனால் பீன்ஸை பருப்பு உசிலி செய்தால் இனி உங்கள் வீட்டு ஃபேவரைட் டிஷ்ஷாகிவிடும். உசிலி செய்ய என்னென்ன தேவை என்பது பார்க்கலாம்.

தேவையான பொருட்கள்

பீன்ஸ் - 250 கிராம்
கடலைப்பருப்பு- 25 கிராம்
காய்ந்த மிளகாய்- 3
உப்பு, எண்ணெய் -தேவையான அளவு
மஞ்சள் தூள்- ஒரு சிட்டிகை

தாளிக்க

கடுகு- 1 ஸ்பூன்
கறிவேப்பிலை சிறிது
கடலைப்பருப்பு- 2 டீஸ்பூன்
உளுத்தம் பருப்பு- 2 டீஸ்பூன்

செய்முறை

கடலைப்பருப்பையும், மிளகாய் வற்றலையும் அரை மணி நேரம் ஊறவிடவும்.

பீன்ஸை தண்ணீரில் அலசி பொடியாக நறுக்கி கொள்ளவும்.

பின்னர் அதில் சிறிது தண்ணீர் சேர்த்து உப்பு போட்டு வேக வைத்துக் கொள்ளவும்.

ஊற வைத்த பருப்பையும் மிளகாய் வற்றலையும் ஒரு சிட்டிகை உப்பு சேர்த்து கொரகொரப்பாக மிக்ஸியில் அரைத்துக் கொள்ளவும்.

ஒரு வாணலியில் எண்ணெய் ஊற்றி, தாளிக்க சொன்னவற்றை போட்டு பொரிக்கவும்.

பின்னர் அந்த எண்ணெய்யில் அரைத்த விழுதை சேர்த்து வதக்கவும். ஒரு கட்டத்தில் அந்த மாவு எண்ணெயில் வெந்து தனித்தனியே உதிரும் அளவுக்கு பிரிந்து வரும். அப்போது பீன்ஸை தண்ணீரை வடிகட்டி சேர்த்து இரு நிமிடங்கள் கலக்கவும். இதை சாப்பாட்டிற்கு வைத்து சாப்பிட நன்றாக இருக்கும்.

பீன்ஸை தண்ணீருடன் மட்டும் போட வேண்டாம். உங்களுக்கு அந்த தண்ணீரை வீணாக்க விரும்பவில்லை என்றால் வடிகட்டி மிளகுத் தூள் போட்டு குடித்துவிடவும்.

English summary

If you buy beans, try making Paruppu Usili — a tasty and simple South Indian side dish. Once you try it, you may not look for another option. Here’s how to prepare it.