டேய் என்னடா பண்ற சுவரை...!!? பேப்பர கூட விட மாட்டிங்களா..!?

Updated: Tuesday, December 21, 2021, 18:23 [IST]

Subscribe to Oneindia Tamil

சென்னை: இது.. என்னடா..! அதுல்யா ரவிக்கு வந்த சோதனை.. என்றுதான் நினைக்கத் தோன்றுகிறது..! இந்த வீடியோவை பார்க்கும் பொழுது.

பிக் பாஸ் முத்த பிரச்சினை

இந்த வாரம் முத்தம் வாரமாக ஒருவேளை இருக்குமோ..!? பிக் பாஸ் நிகழ்ச்சியில் முத்த பிரச்சினையே இன்னும் சமூகவலைதளங்களில் ஓய்ந்தபாடில்லை, இந்நேரத்தில் மீண்டும் ஒரு முத்தக் காட்சி வெளியாகி இணையத்தை கலக்கி உள்ளது. ஒரு மனுஷன் நடிகைகளுக்கு ரசிகராக இருக்கலாம்... ஆனால் இந்த அளவிற்கு வெறித்தனம் இருக்கக் கூடாது.

வைரல் வீடியோ

சமூக வலைதளங்களில் நகைச்சுவையாக வலம் வந்து கொண்டிருக்கும் வீடியோவில் கைலி கட்டிக்கொண்டு,கம்பியை அண்டக் கொடுத்து ரோட்டை வேடிக்கை பார்த்தபடி நிற்கும் ஒருவர் யாரும் கவனிக்காத நேரம் பார்த்து படார்... என திரும்பி பின்னால் இருக்கும் சுவற்றில் ஒட்டி இருந்த சினிமா வால் போஸ்டர் இருந்த நடிகைக்கு பச்சக்கென்று ஒரு முத்தத்தை வைத்து விட்டு ஒன்றும் தெரியாதது போல் நடந்து செல்கிறார்.

கவனமாக இருப்பது நல்லது

பொதுவாக சினிமா நட்சத்திரங்களின் ரசிகர்கள் தங்கள் அபிமான நட்சத்திரங்களின் போட்டோக்களை வீடுகளில் ஆங்காங்கே மாட்டி வைத்து ரசிப்பதும் முத்தமிடுவதும் சாதாரணமான ஒன்றுதான்.ஆனால் பொதுவெளி என்று கூட பாராமல் சுவரை முத்தமிடும் இந்த நிலை கொஞ்சம் முற்றிய நிலை தான். இந்த மாதிரி ஆட்களிடம் இருந்து பொதுமக்கள் விலகி கவனமாக இருப்பது நல்லது.

சமூகத்துக்கு அச்சுறுத்தல்

சோசியல் மீடியாக்களில் வைரலாக வலம் வந்து கொண்டிருக்கும் இந்த வீடியோ நகைச்சுவையோடு இருந்தாலும் அந்த நபரின் செயலை பற்றி நன்கு ஆராய்ந்து பார்த்தால்... அவர் தன் அபிமான அரசியல்வாதிக்கோ..ஹீரோவுக்கோ... முத்தமிடவில்லை தன் வயதிற்கு கொஞ்சமும் சம்பந்தமில்லாத நடிகைக்கு முத்தமிட்டு விட்டு நகர்கிறார். நாட்டில் நாளுக்கு நாள் பாலியல் குற்றங்கள் அதிகரித்து பெண் பிள்ளைகளுக்கு பாதுகாப்பு இல்லாத சூழ்நிலை நிலவுகிறது. இந்த நிலையில் இந்த மாதிரியான பேப்பரை கூட விட்டு வைக்காத ஆட்களால் எந்நேரம் வேண்டுமானாலும் சமூகத்துக்கு அச்சுறுத்தலாக மாற வாய்ப்பிருக்கிறது. பிள்ளைகளை வெளியே அனுப்பும்போது சாலைகளில் கவனமாகவும் எச்சரிக்கையாகவும் இருக்க அறிவுறுத்த வேண்டும் என்றும் வீடியோவை பார்த்த பலர் தங்கள் கருத்துக்களை கூறி வருகின்றனர்.