லோக்சபா தேர்தல்: கேரளாவில் "இந்தியா" கூட்டணி சுனாமி அலை- 79.20% வாக்குகள் அள்ளுமாம்-டைம்ஸ் நவ் சர்வே

திருவனந்தபுரம்: லோக்சபா தேர்தலில் காங்கிரஸ்- இடதுசாரிகளை உள்ளடக்கிய இந்தியா கூட்டணி 79.20% வாக்குகளைப் பெறும் என்கிறது டைம்ஸ் நவ் தேர்தல் கருத்து கணிப்பு.

கேரளா மாநிலத்தைப் பொறுத்தவரையில் இடதுசாரிகள் ஆட்சியில் உள்ளன. இம்மாநிலத்தில் பிரதான எதிர்க்கட்சி காங்கிரஸ்தான். ஆனால் லோக்சபா தேர்தலுக்கான எதிர்க்கட்சிகளின் "இந்தியா" கூட்டணியில் காங்கிரஸும் இடதுசாரிகளும் இணைந்துள்ளன.

இம்மாநிலத்தில் எப்படியாவது காலூன்றுவது என்பது பாஜகவின் நீண்டகால போராட்டம்.

கேரளாவில் லோக்சபா தேர்தல் முடிவுகள் எப்படி இருக்கும் என்பது தொடர்பாக Times Now- ETG Research கருத்து கணிப்புகளை நடத்தி முடிவுகளை அறிவித்துள்ளன.

கேரளாவில் கூட்டணிகள் பெறக் கூடிய வாக்கு சதவீதம்:

இந்தியா கூட்டணி - 79.20%

பாஜகவின் தேசிய ஜனநாயக கூட்டணி: 14.50%

இதர கட்சிகள் 6.30%.

கேரளாவில் மொத்த இடங்கள் 20

"இந்தியா" கூட்டணி- 18 முதல் 20 இடங்கள்

பாஜக கூட்டணி - 01

இதர கட்சிகள் -0.

இவ்வாறு Times Now- ETG Research கருத்து கணிப்பு முடிவுகள் தெரிவித்துள்ளன.

English summary

According to the Times Now survey, Kerala's I.N.D.I.A. bloc may get 79.20%votes; NDA: 14.50% in the Lok Sabha election.