போட்டுத் தாக்கப்போகுது கனமழை.. 10 மாவட்டங்களில் வாய்ப்பு! சென்னை மக்களே இடி மின்னலுக்கு ரெடியா?
சென்னை: தமிழ்நாட்டில் இன்று 10 மாவட்டங்களில் கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்து உள்ளது.
இதுகுறித்து வெளியான அறிவிப்பில், "தமிழக கடலோரப் பகுதிகளை ஒட்டிய தென்மேற்கு வங்கக்கடல் பகுதிகளில் ஒரு வளி மண்டல மேலடுக்கு சுழற்சி நிலவுகிறது.
இன்று தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். கோயம்புத்தூர் மற்றும் திருநெல்வேலி மாவட்டத்தின் மலை பகுதிகள், நீலகிரி, தேனி, திண்டுக்கல், கன்னியாகுமரி, தென்காசி, திருவள்ளூர், இராணிப்பேட்டை மற்றும் காஞ்சிபுரம் மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
01.10.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.
02.10.2023 முதல் 06.10.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.
சென்னை மற்றும் புறநகர் பகுதிகளில் அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 25 டிகிரி செல்சியஸை ஒட்டியும் இருக்கக்கூடும்.
அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான/ மிதமான மழை பெய்யக்கூடும். அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும்.
கடந்த 24 மணி நேரத்தில் பதிவான மழை அளவு (சென்டிமீட்டரில்): புழல் ARG (திருவள்ளூர்) 8, சின்னக்கல்லார் (கோயம்புத்தூர்), ஆலந்தூர் (சென்னை), வால்பாறை PTO (கோயம்புத்தூர்), கோழிப்போர்விளை (கன்னியாகுமரி) தலா 7, பந்தலூர் தாலுகா அலுவலகம் (நீலகிரி), தேவாலா (நீலகிரி), சின்கோனா (கோயம்புத்தூர்), குன்றத்தூர் (காஞ்சிபுரம்), YMCA நந்தனம் ARG (சென்னை) தலா 6, கலியல் (கன்னியாகுமரி), அண்ணா பல்கலைக்கழகம் ARG (சென்னை), டிஜிபி அலுவலகம் (சென்னை), திற்பரப்பு (கன்னியாகுமரி), முகலிவாக்கம் (சென்னை), அடையாறு சுற்றுச்சூழல் பூங்கா (சென்னை), மேற்கு தாம்பரம் ARG (சென்னை), முள்ளங்கினாவிளை (கன்னியாகுமரி), ஊத்து (திருநெல்வேலி), சென்னை விமான நிலையம், அடையாறு (சென்னை) தலா 5, அண்ணா பல்கலைக்கழகம் (சென்னை), தக்கலை (கன்னியாகுமரி), நலுமுக்கு (திருநெல்வேலி), வால்பாறை PAP (கோயம்புத்தூர்), பாலமோர் (கன்னியாகுமரி), எம்ஜிஆர் நகர் (சென்னை), வால்பாறை தாலுகா அலுவலகம் (கோயம்புத்தூர்), மீனம்பாக்கம் AWS (சென்னை), கோடம்பாக்கம் (சென்னை), வொர்த் எஸ்டேட் செருமுள்ளி (நீலகிரி) தலா 4, சுரலக்கோடு (கன்னியாகுமரி), கொளச்சல் (கன்னியாகுமரி), குருந்தன்கோடு (கன்னியாகுமரி), சோலையார் (கோயம்புத்தூர்), கொட்டாரம் (கன்னியாகுமரி), பெரியார் (தேனி), பெருஞ்சாணி அணை (கன்னியாகுமரி), புத்தன் அணை (கன்னியாகுமரி), காக்காச்சி (திருநெல்வேலி), கன்னியாகுமரி, பேச்சிப்பாறை (கன்னியாகுமரி), கன்னிமார் (கன்னியாகுமரி), நாகர்கோவில் (கன்னியாகுமரி), அணைகெடங்கு (கன்னியாகுமரி), மாம்பழத்துறையாறு (கன்னியாகுமரி), சிவலோகம் (கன்னியாகுமரி), அடையாமடை (கன்னியாகுமரி), பூண்டி (திருவள்ளூர்), மாஞ்சோலை (திருநெல்வேலி) , ஐஸ் ஹவுஸ் (சென்னை), மாதவரம் (சென்னை) தலா 3, சித்தார் (கன்னியாகுமரி), தேக்கடி (தேனி), இரணியல் (கன்னியாகுமரி), பார்வூட் (நீலகிரி), கொளப்பாக்கம் ARG (செங்கல்பட்டு), திருப்பதிசாரம் AWS (கன்னியாகுமரி), குண்டாறு அணை (தென்காசி), சென்னை ஆட்சியர் அலுவலகம் (சென்னை), பூதப்பாண்டி (கன்னியாகுமரி), வூட் பிரையர் எஸ்டேட் (நீலகிரி), தண்டையார்பேட்டை (சென்னை), மயிலாடி (கன்னியாகுமரி), திருவள்ளூர், முக்கடல் அணை (கன்னியாகுமரி), பாபநாசம் (திருநெல்வேலி), செம்பரபாக்கம் (காஞ்சிபுரம்), தாமரைப்பாக்கம் (திருவள்ளூர்), ஹரிசன் மலையாள லிமிடெட் (நீலகிரி), கத்திவாக்கம் (சென்னை), வளசரவாக்கம் (சென்னை), செம்பரபாக்கம் ARG (காஞ்சிபுரம்), மதுரவாயல் (சென்னை), கொளத்தூர் (சென்னை), அண்ணா நகர் (சென்னை), மணலி (சென்னை) தலா 2, மாதவரம் AWS (திருவள்ளூர்), சென்னை நுங்கம்பாக்கம், சிறுவாணி அடிவாரம் (கோயம்புத்தூர்), கொரட்டூர் (திருவள்ளூர்), கூடலூர் பஜார் (நீலகிரி), திருவாலங்காடு (திருவள்ளூர்), மேல் கூடலூர் (நீலகிரி), அரக்கோணம் (ராணிப்பேட்டை), தரமணி ARG (சென்னை), பெரம்பூர் (சென்னை), கொடுமுடியாறு அணை (திருநெல்வேலி), அம்பத்தூர் (திருவள்ளூர்), பள்ளிப்பட்டு (திருவள்ளூர்), மணிமுத்தாறு (திருநெல்வேலி), ராதாபுரம் (திருநெல்வேலி), கன்னடியன் அணைக்கட்டு (திருநெல்வேலி), அயனாவரம் தாலுகா அலுவலகம் (சென்னை), திருத்தணி (திருவள்ளூர்), சேர்வலர் அணை (திருநெல்வேலி), திருத்தணி PTO (திருவள்ளூர்), ஆரல்வாய்மொழி (கன்னியாகுமரி), ராமநதி அணை (தென்காசி), ஆவடி (திருவள்ளுர்), பண்ருட்டி (கடலூர்) தலா 1." என்று குறிப்பிடப்பட்டு உள்ளது.
Click it and Unblock the Notifications
Sign in with Google